Xí labúu gonyno par gonyno xchiin Dios más galán: ximod guininéno buñ ni raniʼ stoib diitz

Xigony rasacni. Jehová raniiny que guiráxadit buñ gan de láabu (Hech. 10:34, 35). Jesús goniʼ que «ló guidopynac gudxlio guiránac buñ» gan xtiitz sacró Dios (Mat. 24:14). Zacarías láaca goniʼ que buñ ni raniʼ guirá clas diitz sacacuentyibu xtiitz Dios (Zac. 8:23). Né ló visión ni gop Juan bisetlaa que «guirá gudxrop, family xiroʼ, gudx, né diitz ni raniʼ buñ» guilaa ló gran tribulación (Rev. 7:9, 13, 14). Por guirá ni ma bisetlano, órni canino xtiitz Dios né radzelno buñ ni raniʼ stoib diitz, non gonyno por guisuidyno láabu ni ná la Biblia.