Xí labúu gonyno par gonyno xchiin Dios más galán: guisuidyno ni pénsa casaló caniʼ xtiitz Dios
Xigony rasacni: Buñ ni radxin rac xpiin Jesús non guisuidyibu guisobyibu «guirá ni bisuidy» Jesús, ladni noʼ guirá ni nigolú ni bisuidybu (Mat. 28:19, 20). Xidal de layibu ma radudy ló Scuel par ni Rasuidy stipnés Xtiitz né rioʼ ór raninéyibu xfamilyibu o ximigyibu de xtiitz Dios. Scú láani, dxoga dxoga sioladxyibu más ni casuidyibu né órni guienyibu que Jehová raniiny que guirá buñ guicadiag de diitz sacró de Dios, ndeʼ labúu gony que guiniiny layibu guiniʼyibu de xtiitz Dios (Rom. 10:13, 14). Órni ma labúu guireʼyibu yoʼ por yoʼ toibsi né congregación, saquiin guisuidyibu más par diti guidzuibyibu (Luc. 6:40).
Buny ndeʼ ló beʼo:
Gosaa yoʼ por yoʼ né buñ ni casuidylo né biné láabu órni rabiguetlo rasuidylo buñ. Pal diti naplo toib buñ ni rasuidylo, biruʼ a stoib ni casaló caniʼ xtiitz Dios par gony compañer looy.