Xí labúu gonyno par gonyno xchiin Dios más galán: guisuidyno buñ ni casuidyno guiaʼbu guisuidybu xquiichbu

Xigony rasacni. Buñ ni casuidyno diti nosi guistzabu xpensarybu né xcalnabanybu de pórsi galrrasuidy ni diti nagan ni sieed ló la Biblia par guidzakyibu Jehová (Heb. 5:12–6:1). Nigolú, par guisuidyno raquiin gonyno xtem, portín raquiin guienno ximod radzak cós ni ma nanno né ni pénsa casuidyno, né láaca raquiin ganno ximod guisobno gonyno láani (Prov. 2:1-6). Buñ ni casuidyno, par ganyibu ximod racapy la Biblia ni ranabdiitzyibu, raquiin que stipláacayibu guiyopyibu ximod rarexani. Xtem ni ronyibu né guidopy galnabany gacné layibu guicalóyibu galnagan laʼga cayonyibu xchiin Jehová (Luc. 6:47, 48).