Biquiin libro ni laa, Bibany goxtiguie par gacnéni buñ gap fe lóo Jehová né lóo Jesús

Buñ ni rasuidy la Biblia raquiin gapyibu toib fe nadip par gonyibu ni rioladx Dios (Heb 11:6). Libro ni laa Bibany goxtiguie, racnéni lóono par guidxinno lainy xcalnabany buñ. Napni textos ni rareʼ loguiaʼ, rasienni buñ, napni tipnés galrranabdiitz, ilustraciones sacróyen né videos. Pal racnéno buñ ni casuidyno la Biblia gap cualidades cristianas né gac ximig Dios, fe xtunybu sac nadipni ná guicalóbu nitisi prueby (1Co 3:12-15).

Tipnés buñ rasac nagan gony crer que labúu gacyibu ximig Dios portín diti labúu rabiʼyibu Dios. Por ngú raquiin gacnéno layibu par guimbuyibu Jehová né gapyibu confianz lóo Jehová.

ÓRNI MA BIBIʼLO VIDEO NI LAA, GOCNÉ BUÑ GAP FE LÓO JEHOVÁ NÉ LIBRO NI LAA, «BIBANY GOXTIGUIE», CUAPY GUIRÁ GALRRANABDIITZ REʼ:

• ¿Ximod nanno que hermana reʼ bisuidytzaybu xquiichbu par nasuidybu buñ?

• ¿Xí galrranabdiitz ni diti sieed ló libro buny hermana reʼ né modreʼ labúu nacapy estudiante xtunybu ni bieen ló Isaías 41:10, 13?

• ¿Ximod gocné video reʼ né versículos ni sieed ló la Biblia a estudiante reʼ?

Xidal buñ diti rienyibu xigony goity Jesús o diti rienyibu que nacni toib xcalrrascad Dios (Gál 2:20). Por ngú non gacnéno layibu gapyibu fe ló xcalgoity Jesús.

ÓRNI MA BIBIʼLO VIDEO NI LAA, GOCNÉ BUÑ GAP FE LÓO JESÚS NÉ LIBRO NI LAA, «BIBANY GOXTIGUIE», CUAPY GUIRÁ GALRRANABDIITZ REʼ:

• ¿Ximod nanno que hermano reʼ bisuidytzaybu xquiichbu par nasuidybu buñ?

• ¿Ximod biquiin hermano reʼ información ni sieed ro ná, «Par ganlo más» par gocnébu estudiante reʼ?

• ¿Xigony nigolú rasac oración par estudiante?