Guirá buñ nainy guibany sacró ló dzú ni sietra
¿Ximod nainy looy guibanylo né guibany xfamilo ló dzú ni sietra? Sigory nainy looy guibanylo goxt ro ma diti tzoʼ galguitz, ma diti tzoʼ galrradíil né gaplo guirá ni caquiinlo. Guiránac buñ raniiny guibany sacró ló dzú ni sietra.
Per, xidal buñ nigolú rasac nagan guibany scú. Portín ma bidudyibu cuent que tisintiempsi radzaʼ mod nabany buñ. Xtol galguitz xomod COVID-19, xidal buñ ma nirosondi ximod nabany, noʼ buñ ni ma diti nap dxiin né xidal buñ ma goity xtolni. Por ngú, xidal buñ rony pensary que dipa labúu sabany sacró.
Por guirá galnagan ni noʼ, buñ rayopy ni labúu gacné layibu guibanyibu sacró. Tipnés buñ rap confianz ló cós ni diti labúu rabiʼ, xomod suert o destino. Xidalyibu láaca ronyibu crer que pal rieeyibu scuel xirop né rapyibu bidxiich labúu sabanyibu sacró. Né stipnés rony pensary que sabanyibu sacró pal nacyibu buñtzay.
¿Per xí nigolúpa guirá ndeʼ labúu gacnéni looy guibanylo sacró ló dzú ni sietra la? Par ganlo láani, buny pensary ló ndeʼ:
¿Xí láani rony mandary looy?
¿Scuel xirop né bidxiich labúu sacnéni looy guibanylo sacró la?
¿Pal naclo buñtzay labúu sabanylo sacró ló dzú ni sietra la?
¿Xí labúu gacné looy guibanylo sacró ló dzú ni sietra?
Ló revista reʼ, sanlo ximod rarexa guirá galrranabdiitz reʼ.