Chop herman ni laʼra goyoʼ lad Tidxó buñ ni nap xiroʼ Galnan
MIÉRC 18 de enero íz 2023, bireʼ toib anunys ló jw.org: hermanos Gage Fleegle né Jeffrey Winder goyoʼyibu lad Tidxó buñ ni nap xiroʼ Galnan de testigos xtuny Jehová. Guiropcayibu ma xidzú cayonyibu xchiin Jehová.
Gage Fleegle né tzeelbu, Nadia
Hermano Fleegle goniʼsbu lad oeste xtuny Pensilvania (Estados Unidos). Bixiosbu né xinábu bisuidy láabu de Jehová. Dzú gócbu mbioxhlasiensa, goyeeyibu toib gudxyen ro biquiin herman par gony predicar. Diti xidzú después, 20 de noviembre íz 1988 goyonisbu.
Bixiosbu né xinábu guirá ór buny animaryibu láabu par ñodieʼbu ló xchiin Jehová. Biruʼyibu lidxyibu superintendentes de circuit né betelitas, né modcu bidudybu cuent balaati nakit goyoʼ guirá herman cu. 1 de septiembre íz 1989, diti xidzú de goló goyonisbu, gócbu precursor. Né chop íz después buny cumplirbu meta ni goloʼbu guicbu dzú gopbu 12 íz: gonybu dxiin lainy Betel. Gosaló bunybu dxiin lainy Betel xtuny Brooklyn beʼo octubre íz 1991.
Cu bunybu dxiin ló taller de encuadernación por 8 íz, né de ngú bunybu dxiin ló Departamento de Servicio. Ló dzúcu, goyoʼbu chop tzón íz lainy congregación ni raniʼ diitz ruso. Ló íz 2006 bitzñabu né Nadia, né desde dzúcu cayonyibu dxiin lainy Betel. Guiropcayibu bunyibu dxiin lainy congregación ni raniʼ diitz portugués, né más de 10 íz bunyibu dxiin lainy congregación ni raniʼ dixtil. Después de xidal íz ni bunybu dxiin ló Departamento de Servicio, hermano Fleegle buny dxiin lainy Oficina del Comité de Enseñanza né de ngú lainy Oficina del Comité de Servicio. Ló marz íz 2022 golúyibu herman reʼ par gacnébu ló Comité de Servicio xtuny Tidxó buñ ni nap xiroʼ Galnan.
Jeffrey Winder né tzeelbu, Angela
Hermano Winder goniʼs lainy gudx Murrieta (California). Bixiosbu né xinaʼbu, ni nac Testigos, bisuidy láabu ni nigolú né goyonisbu 29 de marz íz 1986. Ti beʼo después gócbu precursor auxiliar, bioladxgoluʼbu láani né ma diti goniiny nasiambu láani. Chop tzón beʼo después, 1 de octubre íz 1986, gócbu precursor regular.
Dzú gócbu mbioxhlasien, hermano Winder goyguenbu chop buch lagolbu ni dzúcu buny dxiin lainy Betel. Ngú buny que ñapbu meta naxelbu solicitud xtunybu órni ma ñapbu íz par ñeebu Betel. Beʼo may íz 1990 herman biruʼ láabu par gonybu dxiin lainy Betel ni noʼ Wallkill.
Cu bunybu xidal clas dxiin, xomod ló Departamento de Limpieza, Departamento de la Hacienda né Oficina xtuny Betel. Ló íz 1997 bitzñabu né Angela, né desde dzúcu guiropcayibu cayonyibu dxiin lainy Betel. Íz 2014 herman bixel layibu Warwick, cu hermano Winder gocné par ñaʼ central mundial. Íz 2016 seeyibu Patterson, ronoʼ Centro Educativo xtuny Watchtower, cu bunybu dxiin ló Servicios de Audio né Video. Tap íz después bibiguetyibu Warwick, né hermano Winder buny dxiin lainy Oficina del Comité de Personal. Marz íz 2022 golúyibu herman reʼ par gacnébu ló Comité de Personal de Tidxó buñ ni nap xiroʼ Galnan.
Chop buñguieeu reʼ nacyibu galrrascad ni ma bidudy Jehová lóono (Efes. 4:8). Ranabno Jehová guidudy xcalnasác layibu por dxiin nadip ni ronyibu por Gobierno xtuny Dios.