Goloʼ puext xcalnabanylo

Órni rasuidyno la Biblia, nainy lóono que guirá ni rasuidyno de Jehová guidxinni lainy xcalnabanyno né xpensaryno. Galán guisuʼno ejemplo xtuny Esdras ni «goloʼ puext xcalnabany par bíilbu Ley xtuny Jehová» (Esd. 7:10). ¿Ximod labúu gonylo ngúca?

Buny oración. Antes ni salólo guisuidylo, gonab Jehová gacné looy guienlo né guisoblo ni casuidylo (Sal. 119:18, 34).

Góc buñdxo. Dios racachlanbu galnigolú de guirá buñ farmay né buñ ni rap confianz ló xcalnan (Luc. 10:21). Diti gony investigarlo nosi par guidziguiaʼ stipnés looy. Né pal órni cayoʼolo la Biblia raduʼdylo cuent que noʼ ni non guitzaʼlo, góc buñdxo né bitzaʼ láani.

Bicadiag tipnés canción xtunyno. Música raninéni xcalnabanyno né modcu ragoʼni puext lóono par guienno Dios. Pal antes de guisuidyno racadiagno toib canción, ngú sacné lóono par coʼno guicno lóo Jehová né gonyno que ni cayoʼolno gonyni dxiin en lóono.