¿Ximod guisetnaladxlo textos ni sieed ló la Biblia?

¿Xí texto más rioladxlo? Sigory naplo xidalni. Pentzi nacni toib texto ni rasialdó né rony animar looy, toib ni racné looy cueʼlo ló xpensarylo cós ni diti noʼ pu racné looy o toib ni rioladxlo gaibylo stipnés (Sal. 119:11, 111). Per, pentzi rasacnaganlo guisetnaladxlo ximodpa náni o púti guidzelo láani. Guibiʼno tipnés cós ni labúu gacné looy.

• Biquiin etiquetas ni nap JW Library^®. Órni goʼolo la Biblia né guidzelo toib texto ni nainy guisetnaladxlo, bicaʼ toib etiqueta láani ni guiniʼ «Textos ni rioladxi».

• Bicaʼ textocu toib lagary ro labúu guibiʼlo láani. Tipnés herman racaʼ textocu ló guiich né racaʼbu láani ló spej o laidy refrigerador. Stipnés rabeʼ xiretratni né ragoʼbu láani xomod fondo de pantalla ló teléfono xtunyibu o ló computadora.

• Buny tarjetas par ganlo láani de memory. Ló tiplad tarjeta cu bicaʼ textocu, né stipladcu bicaʼ ni náni. Después, bibiʼ nosi ro caa textocu né buny por guisetnaladxlo ni caa stipladcu.