Gaibyno stipnés ni bisuidyno

Órni rasuidyno la Biblia rony animarni lóono, per más rony animarni lóono gaibyno stipnés xi cós ni rasac bidzelno. Proverbios 11:25 ná: «Ni rony animar a stipnés, sioʼ ni sony animar láabu».

Pal raibyno stipnés ni bisuidyno, sientzaayno láani né diti sasacnaganno guisetnaladxno láani. Né láaca, sioʼno más nakit portín nanno que ni gochno láabu láaca sony nadipni fe xtunybu (Hech. 20:35).

Buny por gonylo ndeʼ: Xomal ni sieed buny por gaibylo toib buñ, ni ma bisuidylo. Labúu gacbu toibtica xfamilo, toib herman de congregación, ni ronynélo dxiin o ni rinélo scuel, xpesinlo o toibtica buñ ni rabés ló territorio xtunylo. Biquiin diitz nayaa né senciy, né goniʼ ló xtiitzcalo.

Bisetnaladx: Raibyno stipnés ni rasuidyno, diti par guidziguiaʼyibu lóono, xalagary ngú par gony animarno layibu (1 Cor. 8:1).