¿Bia bid dêü ru bieñy yame ni günî Bindzǎb lá?

Adán no Eva guhty yame porni nehx bzobdîdz yame Dios (Génesis 3:6, 23)

Eva ptsucásme mbâl no güdáhcüme xcuaṉahx yáhc ni rá Dios di ñáhcü yame. Byluuxu bydê meeü Adán no sehc güdáhcü meeü.

Ni ptsôyame ulihpu nahqsyu: guhcu to guilquiee. Dios gülôme Adán no Eva leñy jardín.

Lehty ndedydze yame no xîñy yame guhcu ngáṉ. Dôsy dôsy gaa biuhx yame no guhty yame. Nehx gübiʼ yame gybâ, ni stó lgaar.

Meñyguty yahc rahc yame yuu no nehx rtsô yame mbehty lǐ (Génesis 3:19)

Gyré noo we xîñy Adán no Eva. Lêsu we, segahc réhty noo. Meñyguty yahc nehx rwieʼ yame, nehx rieñy yame ni nehx rtsô yame mbehty lǐ (Eclesiastés 9:5, 10).

Jehová nehx guglaadzyme ñehty meñy. Nguély gahc guisbahñyme meñyguty. No bal rzobdîdz yame Dios nehx ziuʼ dze zehty yame. Sbahñy yame tógahqsy.