AmaHubo

37 Ungathukutheli* ngenxa yabantu ababi

Ungabi nomona ngabenza okubi. +

 2 Bayobuna ngokushesha njengotshani +

Bayobuna njengotshani obusha obuluhlaza.

 3 Thembela kuJehova wenze okuhle; +

Hlala emhlabeni,* wenze ngokwethembeka. +

 4 Jabula kakhulu* ngoJehova,

Uyokunika izinto ezifiswa yinhliziyo yakho.

 5 Vumela uJehova aqondise indlela yakho; *+

Thembela kuye, yena uyokusiza. +

 6 Uyokwenza ukulunga kwakho kukhanye njengasekuseni,

Nobulungisa bakho njengelanga lasemini.

 7 Thula phambi kukaJehova +

Umlinde ngesineke.*

Ungamthukutheleli umuntu

Ophumelelayo emacebweni akhe. +

 8 Hlukana nentukuthelo uyeke ulaka; +

Ungacasuki bese wenza okubi.*

 9 Ngoba abantu ababi bazobhujiswa, +

Kodwa labo abathemba uJehova bayodla ifa lomhlaba. +

10 Sekusele isikhashana nje, ababi bazobe bengasekho; +

Uyoyibheka indawo yabo,

Bayobe bengekho. +

11 Kodwa abamnene bayodla ifa lomhlaba, +

Bayothola injabulo enkulu ngenxa yokuthula okuchichimayo. +

12 Umuntu omubi wakhela olungile uzungu; +

Umgedlela amazinyo.

13 Kodwa uJehova uyomhleka,

Ngoba uyazi ukuthi usuku lwakhe luyeza. +

14 Ababi bahosha izinkemba zabo, bacibishela imicibisholo yabo

Ukuze bawise abacindezelwe nabampofu,

Ukuze babulale abaqotho endleleni yabo.

15 Kodwa inkemba yabo iyogwaza inhliziyo yabo; +

Imicibisholo yabo iyophulwa.

16 Kungcono okuncane kolungile

Kunensada yababi abaningi. +

17 Ngoba izingalo zababi ziyophulwa,

Kodwa uJehova uyomsekela olungile.

18 UJehova uyakubona lokho abangenaphutha ababhekana nakho,*

Ifa labo liyohlala kuze kube phakade. +

19 Ngeke babe namahloni ngesikhathi senhlekelele;

Ngesikhathi sendlala bayoba nenala.

20 Kodwa ababi bayoshabalala; +

Izitha zikaJehova ziyoshabalala njengamadlelo aluhlaza;

Ziyonyamalala njengentuthu.

21 Omubi uyaboleka angabuyiseli,

Kodwa olungile unomusa* futhi uyaphana. +

22 Labo ababusiswe nguNkulunkulu bayodla ifa lomhlaba,

Kodwa labo abaqalekiswe nguYe bayobhujiswa. +

23 UJehova uqondisa* izinyathelo zomuntu, +

Uma eyithanda indlela aphila ngayo. +

24 Nakuba engase akhubeke, ngeke awe phansi ngobuso, +

Ngoba uJehova umbamba ngesandla* amphakamise. +

25 Ngake ngaba musha, manje sengikhulile,

Kodwa angikaze ngimbone olungile eshiywe dengwane, +

Noma izingane zakhe ziswele ukudla. *+

26 Uhlale ebolekisa ngaphandle kokufuna inzalo, +

Izingane zakhe zilindelwe yizibusiso.

27 Suka kokubi wenze okuhle, +

Khona-ke uyohlala emhlabeni kuze kube phakade.

28 Ngoba uJehova uyabuthanda ubulungisa,

Ngeke abashiye abantu bakhe abaqotho. +

Bayohlale begadiwe; +

Kodwa inzalo yababi iyobhujiswa. +

30 Umlomo wolungile ukhipha ukuhlakanipha,*

Nolimi lwakhe lukhuluma ngobulungisa. +

31 Umthetho kaNkulunkulu wakhe usenhliziyweni yakhe; +

Izinyawo zakhe ngeke zishelele. +

32 Omubi ulinde olungile,

Ufuna ukumbulala.

33 Kodwa uJehova ngeke amnikele esandleni sakhe +

Noma athi unecala lapho ahlulelwa. +

34 Themba uJehova, uhambe ngendlela yakhe,

Uyokuphakamisa ukuba udle ifa lomhlaba.

35 Ngimbonile umuntu omubi nononya

Enaba njengesihlahla esikhephuzelayo emhlabathini waso. +

36 Kodwa wadlula ngokushesha futhi wayengasekho; +

Ngangilokhu ngimfuna kodwa akatholakalanga. +

37 Mqaphele ongasoleki,*

Ugcine oqotho + ephambi kwamehlo akho,

Ngoba ikusasa lalowo muntu liyoba nokuthula. +

38 Kodwa zonke izeqamthetho ziyobhujiswa;

Abantu ababi ngeke babe nalo ikusasa. +

39 Insindiso yabalungile ivela kuJehova; +

Uyinqaba yabo ngesikhathi sokucindezeleka. +

Uyobakhulula kubantu ababi abasindise,

Ngoba baphephela kuye. +