UZakariya

4 Ingelosi eyayikhuluma nami yabuya yangivusa, njengomuntu ovuswa ebuthongweni. 2 Yathi kimi: “Ubonani?”

Ngathi: “Ngibona uthi lwesibani, lonke luyigolide, + phezu kwalo kunesitsha. Kunezibani eziyisikhombisa kulo, + yebo eziyisikhombisa, izibani ezikulo zinamapayipi ayisikhombisa. 3 Eceleni kwalo kunezihlahla ezimbili zomnqumo, + esinye singakwesokudla sesitsha, esinye singakwesobunxele.”

4 Ngabuza ingelosi eyayikhuluma nami, ngathi: “Zisho ukuthini lezi zinto, nkosi yami?” 5 Ngakho ingelosi eyayikhuluma nami yathi: “Ingabe awazi ukuthi lezi zinto zisho ukuthini?”

Mina ngathi: “Cha, nkosi yami.”

6 Yabe isithi kimi: “Nawu umyalezo kaJehova oya kuZerubhabhele: ‘ “Ngeke kube ngebutho lempi, noma ngamandla, + kodwa kuyoba ngomoya wami,” + kusho uJehova wamabutho. 7 Ungubani wena ntaba enkulu? Phambi kukaZerubhabhele + uyoba yithafa. + Uyokhipha itshe eliyinhloko kumenyezwa kuthiwa: “Kwaze kwakuhle! Kwaze kwakuhle!” ’ ”

8 Izwi likaJehova laphinde lafika kimi, lathi: 9 “Izandla zikaZerubhabhele zibeke isisekelo sale ndlu, + futhi izandla zakhe ziyoyiqeda. + Kuyomelwe nazi ukuthi uJehova wamabutho ungithumile kini. 10 Ubani odelele usuku lwesiqalo esincane? *+ Ngoba bayojabula babone intambo yokukala enetshe* esandleni sikaZerubhabhele. La mehlo ayisikhombisa angamehlo kaJehova, aqalaza emhlabeni wonke.” +

11 Ngayibuza ngathi: “Zisho ukuthini lezi zihlahla zomnqumo ezimbili, esingakwesokudla sothi lwesibani nesingakwesobunxele salo?” + 12 Ngayibuza okwesibili ngathi: “Asho ukuthini la magatsha* eminqumo athulula uketshezi lwegolide ngemibhobho emibili yegolide?”

13 Ngakho yathi kimi: “Ingabe awazi ukuthi zisho ukuthini lezi zinto?”

Mina ngathi: “Cha, nkosi yami.”

14 Yathi: “Lezi zinto zimelela abagcotshiwe ababili abami eceleni kweNkosi yomhlaba wonke.” +