Eksodusi
4 UMose waphendula: “Ake sithi abangikholwa futhi abalilaleli izwi lami, + ngoba bazothi, ‘UJehova akazange abonakale kuwe.’” 2 UJehova wabe esethi kuye: “Yini le esesandleni sakho?” Waphendula: “Yinduku.” 3 Wathi: “Yiphonse phansi.” Ngakho wayiphonsa phansi, yaba inyoka; + uMose wayibalekela. 4 UJehova wathi kuMose: “Yelula isandla uyibambe ngomsila.” Waselula wayibamba, yaba induku esandleni sakhe. 5 UNkulunkulu wayesethi: “Ukuze bakholwe ukuthi uJehova uNkulunkulu wokhokho babo, uNkulunkulu ka-Abrahama, uNkulunkulu ka-Isaka noNkulunkulu kaJakobe, + ubonakele kuwe.” +
6 UJehova wabuye wathi kuye: “Ngicela ufake isandla sakho ekhukhwini elingenhla lengubo yakho.” Wasifaka isandla sakhe ekhukhwini lengubo yakhe. Lapho esikhipha, bheka, isandla sakhe sasishaywe ngochoko sifana neqhwa! + 7 Ngemva kwalokho wathi: “Buyisela isandla sakho ekhukhwini elingenhla lengubo yakho.” Wasibuyisela isandla sakhe engutsheni yakhe. Lapho esikhipha engutsheni yakhe, sasiphilile sinjengayo yonke inyama yakhe! 8 Wathi: “Uma bengakukholwa noma bengasinaki isibonakaliso sokuqala, nakanjani bazosinaka isibonakaliso esilandelayo. + 9 Noma kunjalo, ngisho noma bengazikholwa lezi zibonakaliso ezimbili futhi benqaba ukulalela izwi lakho, uyokha amanzi eMfuleni iNayile uwachithe emhlabathini owomile, amanzi oyowakha eNayile ayoba igazi emhlabathini owomile.” +
10 UMose wathi kuJehova: “Uxolo Jehova, kodwa angikaze ngibe iqaphuqaphu, kusukela kudala noma kusukela ukhulume nenceku yakho, ngoba anginalo ikhono lokukhuluma.” *+ 11 UJehova wathi kuye: “Ubani owenza umlomo womuntu, noma, ubani obenza babe izimungulu, izithulu, babone ngokucacile noma babe izimpumputhe? Akumina yini Jehova owenza lezi zinto? 12 Ngakho manje hamba, ngizoba nawe lapho ukhuluma,* ngizokufundisa okufanele ukusho.” + 13 Kodwa uMose wathi: “Uxolo Jehova, ngicela uthume noma ubani othanda ukumthuma.” 14 UJehova wamthukuthelela kakhulu uMose, wathi: “Akekho yini umfowenu u-Aroni + umLevi? Ngiyazi ukuthi umfowenu ukhuluma kahle kakhulu. Usendleleni uzokuhlangabeza. Lapho ekubona, uzojabula. + 15 Kumele ukhulume naye umtshele amazwi ami, + mina ngizoba nawe kanye naye lapho nikhuluma, + ngizonifundisa okumele nikwenze. 16 Uzokukhulumela nabantu, abe umkhulumeli wakho, wena ube njengoNkulunkulu kuye. *+ 17 Le nduku uzoyiphatha ngesandla ukuze wenze ngayo izibonakaliso.” +
18 Ngakho uMose wabuyela kuJetiro umukhwe wakhe + wathi kuye: “Ngicela ukubuyela kubafowethu abaseGibhithe ngiyobona ukuthi basaphila yini.” UJetiro wathi kuMose: “Hamba ngokuthula.” 19 Ngemva kwalokho uJehova wathi kuMose kwaMidiyani: “Hamba, buyela eGibhithe, ngoba bonke abantu ababefuna ukukubulala* sebafa.” +
20 UMose wabe esethatha umkakhe namadodana akhe wabagibelisa imbongolo, wabuyela ezweni laseGibhithe. Ngaphezu kwalokho, uMose waphatha induku kaNkulunkulu weqiniso. 21 UJehova wathi kuMose: “Ngemva kokuba usubuyele eGibhithe, uqiniseke ukuthi uyazenza phambi kukaFaro zonke izimangaliso engikunike amandla okuba uzenze. + Kodwa mina ngizovumela inhliziyo yakhe ukuba ibe nenkani, + ngeke abakhulule abantu. + 22 Kumele uthi kuFaro, ‘Yilokhu uJehova akushoyo: “U-Israyeli uyindodana yami, izibulo lami. + 23 Ngithi kuwe, Khulula indodana yami ukuze ingikhonze. Kodwa uma wenqaba, ngizobulala indodana yakho, izibulo lakho.”’” +
24 Kwathi endleleni endaweni yokungenisa izihambi uJehova + wamhlangabeza efuna indlela yokumbulala. + 25 Ekugcineni uZiphora + wathatha itshe elicijile* wasoka indodana yakhe, ijwabu layo walithintisa izinyawo zayo* wathi: “Yingoba ungumkhwenyana wami wegazi.” 26 Ngakho uNkulunkulu wamdedela. Ngaleso sikhathi uZiphora wathi, “ngumkhwenyana wegazi,” ngenxa yokusokwa.
27 UJehova wathi ku-Aroni: “Hamba uyohlangabeza uMose ehlane.” + Ngakho wahamba wahlangana naye entabeni kaNkulunkulu weqiniso + wambingelela ngokumqabula. 28 UMose watshela u-Aroni wonke amazwi kaJehova, owayemthumile, + nazo zonke izibonakaliso ayemyale ukuba azenze. + 29 Ngemva kwalokho uMose no-Aroni bahamba baqoqa wonke amadoda amadala akwa-Israyeli. + 30 U-Aroni wawatshela konke uJehova ayekukhulume kuMose, wenza nezibonakaliso + phambi kwabantu. 31 Abantu bakholwa. + Lapho bezwa ukuthi uJehova uwanakile ama-Israyeli + nokuthi wayekubonile ukuhlupheka kwawo, + baguqa base bekhothama.