Анцәа иҿаԥхьа ацқьара
Изакәызеи Анцәа иҿаԥхьа ацқьара?
Аԥс 18:23—25; 26:1, 2; 101:2—7; 119:1—3, 80
Абиблиа аҟынтә аҿырԥштәқәа
Алв 22:17—22. Иегова кәырбанс изнаргоз аԥстәқәа агра рымамзарц иҭахын; «агра змам» ҳәа еиҭагоу ауриа ажәа «Анцәа иҿаԥхьа ацқьара» ҳәа еиҭагоу ажәа иадҳәалоуп. Уи иаҳнарбоит Анцәа иҿаԥхьа ицқьоу ауаҩы иԥсҭазаара зегь Иегова ишизикуа.
Иов 1:1, 4, 5, 8; 2:3. Иов иҿырԥшы иаҳнарбоит Анцәа иҿаԥхьа ицқьоу ауаҩы гәыкала Иегова пату шиқәиҵо, иара заҵәык дышимҵахырхәо, Анцәа ицәгьоуп ҳәа ииԥхьаӡо шыҟаимҵо.
Избан Анцәа иҿаԥхьа ҳацқьазар зҳахәҭоу?
Аԥс 7:8, 9; 25:21; 41:12; Ажәм 10:9; 11:3
Шәахәаԥш иара убас Мк 12:30
Избан Анцәа иҿаԥхьа ҳацқьаны ҳаанхаларц заҳҭаху?
1Аш 29:17; Ажәм 2:7
Шәахәаԥш иара убас Ажәм 27:11; 1Ин 5:3
Иҟаҵалатәузеи Иегова ицқьоу уаҩны ҳиԥхьаӡаларц азы?
ИсН 24:14, 15; Аԥс 101:2—4
Шәахәаԥш иара убас Ҩнтә 5:29; Иса 48:17, 18
Абиблиа аҟынтә аҿырԥштәқәа
Иов 31:1—11, 16—33. Иегова Иов дуаҩы цқьаны диԥхьаӡон, избанзар уи асексуалтә ламысдара иҽацәихьчон, егьырҭ дрыцхраауан, пату рықәиҵон; Иов аидолқәа дрымҵахырхәаӡомызт, амал аасҭа Иеговеи иареи реиҩызара еиҳа ахә ишьон.
Дан 1:6—21. Даниили хҩык иҩызцәеи Иегова имаҵ зымуаз ауаа ишрыланхозгьы, Анцәа иҿаԥхьа ицқьаны иаанхон, афатә аганахьалагьы Анцәа изакәан еиларгаӡомызт.
Илшома агәнаҳа ӷәӷәақәа ҟазҵахьоу ауаҩы ҿыц Анцәа иҿаԥхьа дыцқьаны дҟалар?
Абиблиа аҟынтә аҿырԥштәқәа
1Аҳ 9:2—5; Аԥс 78:70—72. Аҳ Давид игәнаҳақәа данрыхьхәы, Иегова урҭ ианаижьит. Иара уи дуаҩы цқьаны диԥхьаӡон.
Иса 1:11—18. Иегова израильаа ҩ-цәак зхарԥоу, гәнаҳала иҭәу ауаа шәоуп ҳәа шреиҳәазгьы, рыгәнаҳақәа ирыхьхәыр, насгьы рҽырыԥсахыр, ицқьоу уааны ишиԥхьаӡало иҳәеит.