Аԥааимбарцәа рҟынтә аҿырԥшы жәгала. Амос
1. Избан ҳара Амос иҿырԥшы ҳгәы зышьҭнахуа?
1 Иуоухьома уара убри аҩыза ацәанырра, ажәабжьҳәара улымшошәа, аҵареи абаҩхатәреи ахьумам азы? Ус акәзар, уара Амос иҿырԥшы угәы шьҭнахуеит. Уи ауасақәа ихьчон, насгьы аамҭалатәи усуҩын, аха Иегова уи амч ииҭеит аҵак ду змоу ажәабжь иҳәаларц (Ам. 1:1; 7:14, 15). Иахьагьы Иегова ихы иаирхәоит иаабац ауаа (1 Кор. 1:27—29). Иабаҳацхраауеи уаҳа аԥааимбар Амос иҿырԥшы амаҵзураҿы?
2. Иҳацхраауазеи ҳара ҳаӷәӷәаны аанхара, амаҵзураҿы аҿагыларақәа ҳанрықәшәо?
2 Шәыҽшәырӷәӷәа, аҿагыларақәа шәанрықәшәо. Израил Аҳра жәахылҵшьҭрак рҿы аҳәыс амҵахырхәара аԥшьаҩы Амасиа ианиаҳа Амос аԥааимбаражәа шиҳәоз, даҽакала иуҳәозар, уи идиҵеит: «Уца аҩныҟа! Уаҳҟәаҵ! Ҳара ҳхатә динхаҵара ҳамоуп!» (Ам. 7:12, 13). Амасиа аҳ Иеровоам даниацәажәоз, аԥааимбар Амос иажәақәа нарҳәы-аарҳәны иеиҳәеит, аҳ Амос ажәабжьҳәараҿы диԥырхагахарц азы (Ам. 7:7—11). Аха уи аԥааимбар дамыршәаӡеит. Иахьагьы адинмаҵзуҩцәа аполитикатә напхгаҩцәа рыдгыларц иашьҭоуп, Иегова иуаажәлар ирышьҭашәарыцарц. Аха Иегова агәра ҳиргоит иарбан бџьарзаалакгьы ҳара ҳҿагылараз рхы иадырхәо қәҿиара шамоуа (Ис. 54:17).
3. Иарбан ҩ-ганку иамоу ҳара ауаа ирылаҳҳәо ажәабжь?
3 Ирылашәҳәала Анцәа иӡбара, насгьы ԥхьаҟатәи азылԥхарақәа. Израил Аҳра жәахылҵшьҭрак Анцәа дрықәыӡбоит ҳәа Амос ишрылеиҳәозгьы, ихьӡ зху абиблиатә шәҟәы аҵыхәтәаны иара ианиҵеит Анцәа иқәыргәыӷра, аиҭашьақәыргылареи ԥхьаҟатәи азылԥхарақәеи ирызкны (Ам. 9:13—15). Ҳаргьы убасҵәҟьа ирылаҳҳәоит иааираны иҟоу Анцәа иӡбара амш, аха ари ҳара иаҳҳәараны иҟоу Аҳра иазку ажәабжь бзиа хәҭа заҵәык ауп (2 Пиот. 3:7; Матф. 24:14). Иегова иқәигоит Армагеддон аҿы ауаа мцқьақәа адгьыл аҿы џьанаҭ шьақәыргылазарц (Ԥс. 37:34).
4. Избан ҳара агәра ганы ҳзыҟоу Иегова игәаԥхара анагӡара шҳалшо?
4 Ҳара Аҳра иазку ажәабжь анрылаҳҳәо аҿагылаҩцәа рыла иҭәу ари адунеи аҿы, ҳара ҳҽыззаҳкыз инақәыршәаны анхареи Иегова игәаԥхара анагӡареи ҳшазхиоу ԥышәахоит (Иоан. 15:19). Ҳара агәра ганы ҳаҟоуп Иегова анаҩсгьы дышҳацхраало игәҭакы анагӡараҿы, Амос дышицхраауаз еиԥш (2 Кор. 3:5).