Алаҳәарақәа

◼ Маи ииуни: «Иаҳнарҵаҵәҟьозеи Абиблиа?», ма 2013 шықәсазы иҭыҵыз абуклетқәа. Ииуль: 32 даҟьа змоу анаҩстәи аброшиурақәа руак: «Ажәабжь бзиа Анцәа иҟынтә», «Уизыӡырҩла Анцәа», «Уизыӡырҩла Анцәа, наӡаӡа унхала». Август: асаит jw.org иазку абуклет ҿыц аларҵәаразы иҷыдоу акампаниа. Сентиабри октиабри: изаамҭанытәу аброшиурақәа.

◼ Ишәгәалаҳаршәоит 2014 шықәсазы апрель 1 инаркны ииуль 1-нӡа аизарақәа зегьы иҿарҵалар шрылшо 2015 шықәсазтәи «Есышықәсатәи аҭыжьымҭақәеи», «Амзарқәеи», насгьы аброшиурақәа «Аҩыра аҭҵаара» иаабац аформат алеи, насгьы ижәпоу ашрифт алеи. Арҭ амаҭәарқәа хаҭалатәи азыҳәамҭақәа рахь иаҵанакуеит аҟынтә, урҭ ҿаҵатәуп хаҭала иа́ҳәо ажәабжьҳәаҩцәа рзы мацара. Ҳшәыҳәоит арҭ амаҭәарқәа ианаамҭоу иҿашәҵарц, мамзар урҭ аизарақәа рахь ишьҭхаӡом. Алитература азы аҭакԥхықәра зду аиашьа арҭ апубликациақәа злаҟоу абызшәақәа реиқәыԥхьаӡа иԥшаар илшоит електронла «Алитература аҿаҵара» захьӡу аҟәшаҿы.