Иулшо зегь ҟаҵала, Аҳра ажәабжь рыларҵәаразы!
1. Иаҳнарҵозеи ҳара Давид иҿырԥшы?
1 Аҳ Давид аҭагылазаашьа дашьаҳартә иҟаиҵомызт. Иаҳҳәап, иара Иегова изы аҩны иргыларц дашьҭан. Давид иара иҭыԥан иԥа Соломон шиакәу уи зыргыло анеиликаа, ипланқәа ԥсахны, ауахәама аргыларазы амаҭәахәқәа ирхио далагеит (1 Аҳ. 8:17—19; 1 Ашықәс. 29:3—9). Давид изыҟамҵоз акәымкәа, изыҟаҵоз ауп ихшыҩ ззишьҭуаз. Ишԥаҳалшо ҳара Давид ҳаиҿыԥшлар, Аҳра ажәабжь рылаҳәаразы алшарақәа ҳанрышьҭоу?
2. Иарбан хгәаҭароу иҟаҳҵар ҳалшо?
2 Иулшо ҟаҵала. Аишьцәеи аиаҳәшьцәеи аӡәырҩы рыԥсҭазаашьа дырмариеит ицхырааҩу, насгьы зеиԥш пионерны амаҵ руларц азы (Матф. 6:22). Иулшома уи уаргьы? Анцәа уиҳәаны уҭагылазаашьақәа урызхәыцыр, уара еилукаар улшоит уҿаԥхьа ажәабжь аҳәаразы «ашәқәа ҟьаҟьаӡа ишаарту». Ус анакәха, аамҭа умган! (1 Кор. 16:8, 9).
3. Иарбан ҭагылазаашьақәоу ажәабжьҳәаразы ҳхы иаҳархәалар ҳалшо, пионерс аҟалара алшара ҳамамзаргьы?
3 Аха ишԥаҟаҵатәу, уҭагылазаашьақәа пионерс аҟалара алшара урымҭозар? Усҟан иумоу алшарақәа ухы иархәала. Иаҳҳәап уара аус ахьыууа ахаҵара́ змам ауаа уԥылозар, уи ашаҳаҭра аҟаҵаразы ухы иархәа. Уара агәабзиара умамзар, амедицинатә усзуҩцәа ашаҳаҭра рыҭара уашьҭаз. Иухоумыршҭлан ажәабжьҳәаҩцәа, зылшарақәа даараӡа имаҷу рықәрахь иахьнеихьоу иахырҟьаны, мамзаргьы згәабзиара даара иҽеим раҳасабрбаҿы 15 минуҭгьы анырҵар шрылшо. Есымзатәи уажәабжьҳәаратә ҳасабрба анхаурҭәаауа, уахь ианҵа иформалтәымкәа ажәабжь ануҳәоз, насгьы иушаз алитература, абуклетқәеи аконгресси Ахәылԥази рахь ааԥхьарақәа алаҵаны. Ус ҟауҵалар, уи алҵшәа даара иџьоушьар ҟалап!
4. Иҟауҵарц угәы иҭоузеи уара?
4 Ҳҭагылазаашьақәа зеиԥшразаалакгьы, ажәабжь бзиа рылаҳәаразы алшарақәа ҳаҩҳмыжьуазароуп. Усҟан уи ҳара агәахәара ду ҳзаанагоит, избанзар еилаҳкаауеит Аҳра азы иҳалшо зегь шыҟаҳҵо (Мар. 14:8; Лука 21:2—4).