Шықәсык иадамзаргьы иԥышәа

Изакәызеи иара? Апионертә маҵзура! Уи азылԥхара дуқәа узаанагоит! (Аԥсал. 33:9 [34:8, АдҾ]).

ПИОНЕРС АМАҴ УУЛАР, УАРА ИУЛШОИТ...

• жәабжьҳәаҩ бзианы аҟалареи амаҵ аура еиҳа бзиа абареи

• Иеговеи уареи шәеизыҟазаашьақәа рырӷәӷәара. Иегова изкны ауаа еиҳаны ирзеиҭоуҳәацыԥхьаӡа, зеиԥшыҟам иҟазшьақәа угәалауршәалоит

• агәахәареи агәырӷьареи риура, избанзар Аҳра аинтересқәа ухатә интересқәа раԥхьа иургылоит, насгьы егьырҭ рыцхрааразы ухы мап ацәкны амаҵ ууеит (Матф. 6:33; Аус. 20:35).

• араионтә хылаԥшҩы аизара данаҭаауа имҩаԥиго апионерцәа рзы аиқәшәареи араионтә конгресс аԥхьа иҟало иҷыдоу аиқәшәареи рҭаара, насгьы Апионертә маҵзура ашкол ахысра

• еиҳаны абиблиатә ҵарақәа рылагареи рымҩаԥгареи

• егьырҭ ажәабжьҳәаҩцәа еиҳаны амаҵ рыцура, насгьы агәышьҭибахреи агәырӷьара аиуреи (Рим. 1:11, 12).