Угәаҳәарақәа урыцклаԥшла

Ҳара ҳнаӡаӡам, убри аҟынтә есымша ҳхы ҳацклаԥшлароуп. Ҳгәаҳәарақәа ҳаҽраҳҭар, Иегова иразра ҳцәыӡыр алшоит. Иаҳҳәап, шьоукы ихааны акрыфареи, иԥшӡаны аҽеилаҳәареи, анхарҭа бзиа амазаареи рахь рыбзиабара Иегова иахь ирымаз абзиабара аасҭа еиҳахеит. Даҽа шьоукы рцәеижьтә гәаҳәарақәа рыҽрыҭаны Анцәа инормақәа еиларгоит (Рим. 1:26, 27). Иҟоуп ауаа ргәы ҟарҵарц, насгьы егьырҭ ирылрымкааларц азы рҭынхацәеи рҩызцәеи ирҳәо ҟазҵогьы (Ақәҵ. 23:2).

Иҟаҵалатәузеи ҳгәаҳәарақәа ҳаҽрыҳамҭаларц азы? Ҳхәыцрақәа адоуҳатә зхәыцрақәа рахь риагаразы иҳалшо зегь ҟаҳҵалароуп (Матф. 4:4). Уи адагьы ҳӷьаҵәы-ӷьаҵәуа Иегова ҳиҳәалароуп, ҳгәаҳәарақәа рыцклаԥшра дҳацхрааларц. Иара идыруеит ҳара ҳзы еиҳа еиӷьу, насгьы ҳгәаҳәара бзиақәа шынагӡатәу (Аԥсал. 145:16).

УАХӘАԤШ АВИДЕОНҴАМҬА «УԤСҬАЗААРА АҬАҬЫН ИАХҬНУМҴАН!», АНАҨС ҴАҞА ИААГОУ АЗҴААРАҚӘА РҬАК ҞАҴА:

• 

  Избан ауаа аҭаҭын изахо?

• 

  Ианыԥшыр шԥалшо угәабзиара аҭаҭын ахара?

• 

  Избан аҭаҭын, ма аелектронтә ҭаҭын ахара зшәарҭоу? (2 Кор. 7:1).

• 

  Иуцхраауазеи аҭаҭын ахара аламгара, уахозар акажьра?