МАИ 19—25
АЖӘАМААНАҚӘА 14
Ашәа 89, Анцәа иҳәара | Алагалажәа (1 мин.)
1. Арыцҳара аан шәхы шымҩаԥыжәгаша ибзианы шәазхәыцла
(10 мин.)
Ирҳәо зегьы агәра шәымгалан (Ажәм 14:15; w23.02 23, абз. 10—12).
Шәгәы иаанаго, насгьы ишәымоу аԥышәа мацара шәақәымгәыӷлан (Ажәм 14:12).
Иегова инапхгара иқәымныҟәо шәырзымӡырҩлан (Ажәм 14:7).
АЗХӘЫЦРАЗЫ. Аизара ахылаԥшыҩцәа, шәазхиоума арыцҳарақәа раан Иегова инапхгарақәа рықәныҟәареи, иара иқәгәыӷреи? (w24.07 5, абз. 11).
2. Адоуҳатә бырлашқәа
(10 мин.)
Ажәм 14:17. Ҵакыс ирымоузеи «иҟаиҵо зегьы ибзианы иазхәыцуа ауаҩы дырцәымӷуп» ҳәа иҳәоу ажәақәа? (it-2-U 105, абз. 6).
Иарбан доуҳатә бырлашқәоу ари ахаҿы ишәыԥшааз?
3. Абиблиа аԥхьара
(4 мин.) Мк 14:60—72 (th аурок 11).
4. Ацәажәара шәалага
(3 мин.) АУАА ЕИҲА ИАХЬЫҞОУ АҬЫԤҚӘА РҾЫ АЖӘАБЖЬҲӘАРА. Аекономикатә ҭагылазаашьа згәы иҵхо ауаҩы Абиблиа аҟынтә зхәыцрак изеиҭаҳәа (lmd аурок 3, апункт 3).
5. Аинтерес еизшәырҳала
(4 мин.) ҨНАҬАЦЫԤХЬАӠА АЖӘАБЖЬҲӘАРА. Ауаҩы уаанӡатәи шәеицәажәараан ишьҭихыз атема зну ажурнал идгал (lmd аурок 9, апункт 4).
6. Аҵаҩцәа азыҟашәҵала
(5 мин.) Абиблиа зурҵо ауаҩы есыҽны Абиблиа даԥхьаларц игәазҭаҵа, насгьы уи ахықәкы анагӡара ицхраауа ирба (th аурок 19).
Ашәа 126
7. Арыцҳара шәҽазыҟашәҵа
(15 мин.). Ахцәажәара.
Имҩаԥигоит аизара ахылаԥшҩы. Афилиал, ма аизара ахылаԥшыҩцәа рхеилак узқәымгәыӷуа аҭагылазаашьақәа рзы анапхгара дырхиазар, уи рзеиҭаҳәа.
Ҳара «аҵыхәтәантәи амшқәа раан» ҳанхоит, убри аҟынтә лассы-лассы еиуеиԥшым ауадаҩрақәа ҳрықәшәалоит (2Тм 3:1; nwtsty-U Мф 24:8 ахь иаагоу акомментари). Рыцҳарак аныҟалалак, Иегова имаҵзуҩцәа уи ахгара ирыцхраауа анапхгара роуеит. Ҳара ҳхаҵара ҳарӷәӷәозар, насгьы зда ԥсыхәа ыҟам рхианы иҳамазар, ҳхы еиқәҳархоит (Ажәм 14:6, 8).
Доуҳала шәыҽшәырӷәӷәала. Есыҽны Абиблиа аԥхьареи аҭҵаареи шьцыларас ишьҭышәх. Ажәабжьҳәараҿы шәҟазара еиӷьышәтәла, насгьы иҿыцу ажәабжьҳәаратә методқәа шәҵала. Аишьцәеи аиҳәшьцәеи аамҭак иалагӡаны рацәажәара алшара шәмоургьы аҭынчра аашәырԥшла (Ажәм 14:30). Ишәхашәмыршҭлан Иеговеи Иисуси еснагь шәааигәа ишыҟоу (od-U 176, абз. 15—17).
Зда ԥсыхәа ыҟам ҵәахны ишәымаз. Доусу ихазы ирхианы имоу ашәыра адагьы, аҭаацәарақәа иҵәахны ирымазароуп афатә, аӡы, ахәшәқәа, иара убас акыраамҭа аҩны издәылымҵуа иҟалар ирҭаххар алшо амаҭәақәа (Ажәм 22:3; g17.5-U 4).
Идырба АВИДЕОНҴАМҬА «Шәазыҟаҵома шәара арыцҳара?». Анаҩс аӡырҩцәа уразҵаа:
Дышԥаҳацхраауеи Иегова арыцҳара аан?
Иҟаҳҵар ҳалшозеи уажәы арыцҳара ҳҽазыҟаҳҵарц азы?
Ҳашԥарыцхраари арыцҳара иақәшәаз?
8. Аизараҿы Абиблиа аҵара
(30 мин.) bt ахы 26, абз. 18—22, ад. 209 аҿы иану арамка