Уара Анцәа дызусҭоу еилукаароуп

Анцәа уиҩызахарц азы, уара уи деилукаароуп. Иухьӡу рдыруама уҩызцәа, насгьы дара ухьӡ ҳәаны иуԥхьома? Усоуп, ҳәарада. Анцәагьы убас ихьӡ удыруазарц, ихьӡ ҳәаны уиԥхьалозарц иҭахыуп. Анцәа ихьӡуп Иегова (Ақәҵымҭа 15:3; Маҭфеи 6:9). Убри инаҷыданы, уара еилукаароуп уи игәы иаахәои иаамыхәои ртәы. Уара еилукаароуп, уи ҩызцәас имоу, иара убас — иаӷацәагьы. Аӡәы иеилкааразы, иаҭахыуп аамҭа. Абиблиаҿы иаҳәоит, Иегова иабадырразы, ҟәышрала аамҭа азыԥшаалатәуп ҳәа (Ефесаа рахь 5:15, 16).

Анцәа иҩызцәа уи игәы иаахәаша ауп иҟарҵо. Урызхәыц уҩызцәа. Урҭ иҽеимкәа урызныҟәалар ма ргәы иацәымӷыу ҟауҵалар, уҩызцәа шракәу инхарыма урҭ? Ҳәара аҭахыума, мап! Анцәа уиҩызахарц уҭахызар, уаргьы убасҵәҟьа иухәҭоуп уи игәы иаахәаша аҟаҵара (Иоанн 4:24).

Адинхаҵарақәа зегьы Анцәа иҩызарахь укылыргом. Иисус — Анцәа изааигәаӡоу иҩыза — ҩ-мҩак дрылацәажәон. Мҩак — ҭбаауп, насгьы уи ауаа рацәаны иануп. Ари амҩа аҭахарахьы укылнагоит. Егьи амҩа — ҭшәоуп, уи ианугьы зынӡа имаҷҩуп. Ари амҩа наӡаӡатәи аԥсҭазаарахь укылнагоит. Ари иаанаго убриоуп: Анцәа уиҩызахарц уҭахызар, уара уи ииашаны ишиеихырхәалатәу еилукаароуп, хымԥада (Маҭфеи 7:13, 14).