Ишәҭахума шәара еилышәкаарц аҵабырг?

ИАРБАН ҵабыргу? Жәытә-натә аахыс ауаа ргәы иҵхо. Иҟалап шәаргьы шәхы иашәҭозҭгьы абарҭ реиԥш иҟоу акрызҵазкуа азҵаарақәа:

• Бзиа ҳаибома ҳара Анцәа?

• Иҟалома знымзар-зны аибашьрақәеи агәаҟрақәеи рҵыхәтәа?

• Иҟалозеи ауаҩы данԥсуа?

• Иҟоума иԥсхьоу рзы агәыӷра?

• Ишԥаҳахәҭоу Анцәа иҳәара, иаҳҳәо иаҳарц азы?

• Ишԥаԥшаатәу аԥсҭазаараҿы анасыԥ?

Иабаԥшаатәу, шәгәаанагарала, арҭ азҵаарақәа рҭак? Абиблиотекақәеи ашәҟәыҭирҭа дәқьанқәеи рҿы шәара ишәыԥшаауеит зқьыла арҭ азҵаарақәа рҭак ҳдыруеит ҳәа шьақәзырӷәӷәо авторцәа рышәҟәқәа. Аха лассы-лассы арҭ ашәҟәқәа ирну аки-аки еиҿагылоит. Шәҟәқәак иахьа ҳаамҭа иақәшәошәа убоит, аха аамҭақәак рышьҭахь дара ажәуеит, урҭ еиҭарыхәаԥшуеит, мамзаргьы аҿыцқәа рыҩуеит.

Аха иҟоуп зегь рыла зыгәра угартә иҟоу шәҟәык. Ари аҵабырг зну шәҟәуп. Иисус Христос анцәаиҳәараҿы иҳәеит: «Иҵабыргуп Уара уажәа» (Иоанн 17:17). Иахьа ари Ажәа еицырдыруеит Абиблиа ҳәа. Анаҩстәи адаҟьақәа рҿы Анцәа Иажәа аҟынтә шәара ишәоуеит еилыкка иҟоу, насгьы ииашоу хыхь иаагоу азҵаарақәа рҭак.

Бзиа ҳаибома ҳара Анцәа?

АБРИ АҨЫЗА АЗҴААРА ЗЦӘЫРҴУА. Ҳара ҳанхоит гәымбылџьбаралеи, насгьы иашамралеи иҭәу адунеи аҿы. Имаҷымкәа адинқәа иддырҵоит ҳара ҳгәаҟрақәа ари Анцәа игәаԥхара ауп ҳәа.

АБИБЛИА ИАҲНАРҴО. Анцәа ахаан ацәгьара ҟаиҵаӡом. «Илшаӡом иҵабыргу Анцәа ахәымгара аҟаҵара, насгьы Зегьзымчу ииашамкәа ахымҩаԥгара!» — аҳәоит Иов (Иов) 34:10. Анцәа ауаа рзы имоуп зеиԥшыҟам агәҭакы. Убри азоуп Иисус абас Анцәа ҳиҳәаларц заҳирҵоз: «Жәҩан иҟоу Ҳаб... Иааиааит Уара Уԥсҳара; иҟалааит угәаԥхара, хыхь, ажәҩан аҿ аиԥш, ҵаҟа адгьыл аҿгьы» (Матфеи 6:9, 10). Анцәа убриаҟара иӷәӷәаны бзиа ҳаибоит, иара игәҭакы анагӡаразы Иԥа дааишьҭит (Иоанн 3:16).

Шәахәаԥш иара убас Аҟазаара (Бытие) 1:26—28; Иаков 1:13, 1 Пиотр 5:6, 7.

Иҟалома знымзар-зны аибашьрақәеи агәаҟрақәеи рҵыхәтәа?

АБРИ АҨЫЗА АЗҴААРА ЗЦӘЫРҴУА. Аибашьрақәа рҿы ауаа рацәаҩны иҭахоит. Ауаа ргәаҟрақәа ҳара зегьы ҳгәы ҳдырхьуеит.

АБИБЛИА ИАҲНАРҴО. Анцәа иҳәоит адгьыл ахьынӡа-наӡааӡо аҭынчра анышьақәиргыло аамҭа шыҟало. Иара инапхгара Аҳра — жәҩантәи аиҳабыра — аҵаҟа ауаа «ирҵалаӡом аибашьышьа». Дара «раҳәақәа ацәеихақәа рылырхуеит» (Исаиа [Исаия] 2:4). Анцәа аиашамреи агәаҟрақәеи рҵыхәтәа ԥиҵәоит. Абиблиа ҳақәнаргәыӷуеит: «Анцәа урҭ лаӷырӡ цырак иадамзаргьы ирҿыжжы иаанижьуам, ирыцқьоит; шьҭа уаҳа изыҟалом аԥсра; аҵәыуара, аӷызы-ӷызра, аҵәаара, ахьаа-баа ҟалом, избан акәзар ԥаса иҟаз [аиашамзаареи, агәаҟрақәеи уахь инарылаҵаны] мҩасит» (Аатра 21:3, 4).

Шәахәаԥш иара убас Аԥсалом 36:10, 11; 45:10 (37:10, 11; 46:9, АдҾ), Михеи (Михей) 4:1—4.

Иҟалозеи ауаҩы данԥсуа?

АБРИ АҨЫЗА АЗҴААРА ЗЦӘЫРҴУА. Еиҳарак адинхаҵарақәа ауаа иддырҵоит ауаҩы данԥслак ашьҭахь ихәҭак аԥсҭазаара ацнаҵоит ҳәа. Шьоукы агәра ргоит иԥсхьоу зыԥсы ҭоу ԥырхага рырҭоит ҳәа, насгьы Анцәа агәнаҳа ҟазҵо ахьирхәуеит џьаҳаным аҟны, наӡаӡа иргәаҟуа ҳәа.

АБИБЛИА ИАҲНАРҴО. Ауаҩы данԥслак, аҟазаара даҟәыҵуеит. «Иԥсыз акгьы рыздыруам»,— аҳәоит Екклезиаст (Экклезиаст) 9:5 аҟны. Иԥсыз акгьы рыздырӡом, ацәаныррақәа рымаӡам, убри аҟынтә дара зыԥсы ҭоу рԥырхагахарагьы, рыцхраарагьы рылшаӡом (Аԥсалом 145:3, 4 [146:3, 4, АдҾ]).

Шәахәаԥш иара убас Аҟазаара (Бытие) 3:19, Екклезиаст (Экклезиаст) 9:6, 10.

Иҟоума иԥсхьоу рзы агәыӷра?

АБРИ АҨЫЗА АЗҴААРА ЗЦӘЫРҴУА. Ҳара зегьы иаҳҭахуп бзиа иаабо рааигәа ҳанхаларц, насгьы аԥсҭазаара ҳалагәырӷьаларц. Уамашәа ибатәӡам иаҳцәыԥсхьоу еиҭах иаҳбарц ахьаҳҭаху.

АБИБЛИА ИАҲНАРҴО. Иԥсхьоу рыԥсы ҭалоит. Иисус ажәа ҳаиҭеит «адамрақәа ирҭоу... бзахоит» ҳәа (Иоанн 5:28, 29). Зыԥсы ҭалаз ауаа Анцәа аханатә игәы ишҭеикыз еиԥш, џьанаҭ дгьыл аҿы инхалартә алшара роуеит (Лука 23:43). Уи адагьы, Анцәа иҳәатәы хазҵо ауаа ироуеит инаӡоу агәабзиара, наӡаӡагьы инхалоит. Абиблиаҿы иҳәоуп: «Ауаа цқьақәа адгьыл рзынхоит, наунагӡагь уаҟа аԥсҭазаара рымазаауеит» (Аԥсалом 36:29 [37:29, АдҾ]).

Шәахәаԥш иара убас Иов (Иов) 14:14, 15; Лука 7:11—17, Аусқәа 24:15.

Ишԥаҳахәҭоу Анцәа иҳәара, иаҳҳәо иаҳарц азы?

АБРИ АҨЫЗА АЗҴААРА ЗЦӘЫРҴУА. Адинхаҵарақәа зегьы рҟны ауаа Анцәа иҳәоит. Аха аӡәырҩы рыҳәарақәа ҭакда иаанхоит ҳәа ргәы иаанагоит.

АБИБЛИА ИАҲНАРҴО. Иисус иаҳирҵон ҳаҳәарақәа ҿырҳәала иҵаны еснагь иаҳҳәац еиҭаҳамҳәаларц. Иара иҳәон: «Анцәа шәаниҳәо, ишәҳәо еиҭашәымҳәалан» (Матфеи 6:7, АдҾ). Анцәа иаҳҳәо иаҳарц ҳҭахызар, иара ишигәаԥхо еиԥш ҳиҳәозароуп. Убри аҟнытә ҳара иҳахәҭоуп Анцәа игәаԥхара закәу аилкаара, насгьы убри инақәыршәаны иҳәара. 1 Иоанн 5:14 аҟны иануп: «Иара игәаҳәара иатәу акы ҳаҳәар, ҳазҳәо шиаҳауа аадыруеит».

Шәахәаԥш иара убас Аԥсалом 64:3 (65:2, АдҾ); Иоанн 14:6, 14, 1 Иоанн 3:22.

Ишԥаԥшаатәу аԥсҭазаараҿы анасыԥ?

АБРИ АҨЫЗА АЗҴААРА ЗЦӘЫРҴУА. Аӡәырҩы ргәы иаанагоит анасыԥ азы аԥара, ахьӡ-аԥша, ма аԥшӡара аҭахуп ҳәа. Дара рымч зегьы ақәҵаны рҽазыршәоит абарҭ зегьы рырҳара, аха анасыԥ усгьы ирзыԥшаауам.

АБИБЛИА ИАҲНАРҴО. Иисус иаҳирбеит иҵабыргыҵәҟьоу анасыԥ ҳазҭо. Иара иҳәеит: «Бзазара рымоуп доуҳала зҽыздыруа» (Матфеи 5:3). Анасыԥ иашаҵәҟьа ҳаԥшаарц ҳалшоит, зегь реиҳа ихадоу ҳҭахратә гәаҳәара наҳагӡалар — Анцәа изку аҵабырги, насгьы ҳара ҳганахь ала имоу игәҭаки реилкаара. Ари аҵабырг Абиблиаҿы иҟоуп. Уи аиаша анаҳдырлак, еилаҳкаар ҳалшоит аԥсҭазаараҿы зегь раасҭа ихадоу, насгьы ихадам. Ҳара аӡбара анҳадаҳкыло, насгьы абиблиатә ҵабырг ҳхы иархәаны ҳанықәныҟәо, ҳаԥсҭазаара еиҳа аҵакы аиуеит (Лука 11:28).

Шәахәаԥш иара убас Ажәамаанақәа (Притчи) 3:5, 6, 13—18, 1 Тимофеи иахь 6:9, 10.

Ҳара иааркьаҿны еилҳаргеит Абиблиа аҟнытә иаагоу ф-зҵаарак рҭак. Ишәҭахума шәара еиҳа еилышәкаарц? Шәара здоуҳатә ҭахрақәа еилызкаауа шәреиуазар, ҳәарада ишәҭахуп. Иҟалап шәара аинтерес шәымазар избан абзиабара злоу Анцәа абриаҟара ацәгьареи агәаҟрақәеи зиаҩижьуа? Ишԥаԥшаатәу аҭаацәаратә ԥсҭазаараҿы анасыԥ? Абиблиаҿы иаагоуп инагӡоу, насгьы зыгәра угаша абарҭ, иара убас егьырҭ ирацәаны азҵаарақәа рҭак.

Аха иахьа аӡәырҩы Абиблиа иаԥхьаӡом. Дара ргәы иаанагоит уи идуцәоу шәҟәуп, насгьы уи аилкаара мариам ҳәа. Ишәҭахума шәара шәызҵаарақәа рҭак Абиблиа аҟны аԥшаара ишәыцхраарц? Иегова ишаҳаҭцәа ацхыраара иазхиоуп.

Знеишьақәак иреиуоуп хәыда-ԥсада Абиблиа аҵара. Шәааигәара инхо Иегова ишаҳаҭцәа ирылшоит есымчыбжьа шәыҩныҟа анеира, ма шәара иахьшәзыманшәалоу даҽа ҭыԥк аҟны аамҭа кьаҿк иалагӡаны Абиблиа алацәажәара. Абри аҩыза аҵара адунеи зегьы аҟны миллионҩыла ауаа ирыцхраахьеит. Урҭ рахьынтә аӡәырҩы уажәшьҭа агәра ганы ирҳәар рылшоит: «Сара исыԥшааит аҵабырг!»

Абиблиатә ҵабырг — ари хәы змам мазароуп. Иара амцхаҵареи, агәҭынчымреи, насгьы ашәареи рҟынтә ҳахьчоит. Иара иунаҭоит агәыӷра, агәырӷьара, насгьы аԥсҭазаара аҵакы. Иисус иҳәеит: «Убасҟан аҵабырг закәу шәзаатуеит, уи аҵабырг ахақәиҭра шәнаҭоит» (Иоанн 8:32).