Даҳзыӡырҩуама ҳара Иегова?

Анцәа ҳара ҳаззиҳәо иаҳауеит. 1 Пиотр 3:12

Иегова ҳаҳәарақәа иаҳауеит (1 Иоанн 5:14). Иара иҭахуп ҳара гәык-ԥсыкала ҳиацәажәаларц.

Уиҳәала Иегова заҵәык.

Ҳара Анцәа ҳаззиҳәарц ҳалшо рацәоуп. 1 Иоанн 5:14

Анцәа уиҳәала ажәанаҿи адгьылаҿи игәаԥхара нагӡахарц азы.

Анцәа уиҳәала Иисус ихьӡала. Абасала уара иааурԥшуеит иузыҟаиҵаз ахә ҳаракны ишушьо.

Иегова уиҳәала абзиара аҟаҵаразы ацхыраара уиҭарц. Иара убасгьы уиҳәаларц улшоит иуиҭарц афатә, аусура, анхарҭа, ашәҵатәы, насгьы агәабзиара.