АУРОК 14

Ихадоу азхәыцрақәа алкаала

Ауриацәа рахь 8:1

ИҞАҴАТӘУ Урыцхраа аӡырҩцәа атема шеилурго ацклаԥшра, насгьы иазгәаҭ ихадоу азхәыцрақәа ажәахә атемеи ахықәки ишрыдҳәалоу.

УИ ШЫҞАҴАТӘУ

Ахықәкы умаз. Уазхәыц уажәахә хықәкыс иамоу: аӡырҩцәа аинформациа рыҭара, агәра дыргара, мамзаргьы ак аҟаҵара ргәазҭаҵара. Анаҩс уи инақәыршәаны уажәахә еилырга. Ихадоу азхәыцрақәа зегьы иумоу ахықәкы анагӡара иуцхраар ауп.

Ухы уазҵаа: «Иарбан зҵаарақәоу аӡырҩцәа ари атема аганахь ала ирымоу, мамзаргьы изықәшаҳаҭымзеи дара? Избан дара урҭ азҵаарақәа зрызцәырҵуа, мамзаргьы уи изақәшаҳаҭым?» Анаҩс ихадоу азхәыцрақәа уи инақәыршәаны еишьҭаргыл, аӡырҩцәа иуҳәо иацклаԥшларц, еилыркаарц, насгьы ирыдыркыларц азы.
Уажәахә атема алкаа. Ажәахә уҳәонаҵы атема уазхьаԥшла. Уи ҟауҵар улшоит атема иадҳәалоу ихадоу ажәақәа ма асинонимқәа ухы иархәаны.
Ихадоу азхәыцрақәа мариазар, насгьы еилыкка иҟазар ауп. Иузалху аамҭа иҭагӡаны аӡырҩцәа ибзианы идеилуркаар улшо ихадоу, насгьы утема иадҳәалоу азхәыцрақәа мацара алх. Ихадоу азхәыцрақәа рацәамзар ауп. Иалкаа иуҳәарц иуҭаху ихадоу азхәыцрақәа зегьы, зхәыцрак еилырганы даҽак ахь уиасаанӡа маҷк уааҭгыл.

Аӡырҩцәа иуҳәо иацклаԥшларц азы ихадоу азхәыцрақәа ажәахә уаналаго еиқәуԥхьаӡар улшоит, ма аҵыхәтәаны еиҭаргәалауршәар ауеит.