Аҳаҭырқәҵара

Павел уи шыҟаиҵоз

АВИДЕОНҴАМҬА «Павел Афина инхо ажәабжь бзиа рзеиҭеиҳәоит»

1. Шәахәаԥш АВИДЕОНҴАМҬА, мамзаргьы шәаԥхьа Аусқәа 17:22, 23. Анаҩс шәрызхәыц абарҭ азҵаарақәа:

1. а) Ихы шԥеибеи Павел, Афина иҟаз аидолқәа рацәаны ианиба? (Шәахәаԥш Аусқәа 17:16.)

2. б) Ишԥаилшеи Павел афинаа рықәыӡбара аҭыԥан, зыгәра ргоз ҳаҭырқәҵарала дахцәажәаны, ажәабжь бзиа рзеиҭаҳәара?

Павел иҿырԥшы иаҳнарҵо

2. Ауаҩы еиҳа даҳзыӡырҩуеит иаҳҳәаша, ишаҳҳәаша, ианаҳҳәаша ибзианы ҳазхәыцлар.

Павел шәиҿыԥшла

3. Ианаало ажәақәа шәыԥшаала. Иаҳҳәап, иқьырсианым ауаҩы шәиацәажәозар, иҟалап еиҳа еиӷьхар Абиблиеи Иисус Христоси рыӡбахә аартны ишәымҳәар.

4. Ауаҩы ириашара шәахымыццаклан. Ауаҩы игәаанагара иҳәарц азы алшара ишәҭ. Ииҳәо Абиблиа иаҿагылозаргьы, ажәа имашәымклан (Иак. 1:19). Ауаҩы ибзианы шәизыӡырҩлар, еилышәкаауеит зыгәра иго, насгьы уи агәра зиго (Ажәам. 20:5).

5. Иахәҭоуп ҳәа анышәыԥхьаӡо, ауаҩы шәиқәшаҳаҭхала, дагьшәырҽхәала. Ишаҳдыруа еиԥш, ауаҩы зыгәра иго еснагь ииашоуп ҳәа иԥхьаӡоит. Раԥхьа еицышәзеиԥшу темак шәалацәажәа. Шәзацәажәо ауаҩи шәареи шәгәаанагарақәа ахьеиқәшәо азгәашәҭала, анаҩс шәицхраа хәыҷы-хәыҷла Абиблиа иану аилкаара.