Гәаартыла ишәыдышәкыл урҭ

Изусҭцәада урҭ? Аҳратә зал ахь инеиуа дарбанзаалак, уи раԥхьаӡа акәны даазаргьы, мамзаргьы аизарахь дныҟәоижьҭеи акыр ҵуазаргьы (Рим. 15:7; Аур. 13:2). Иҟалап аиашьа ма аиаҳәшьа даҽа тәылак аҟынтә сасра даазар. Мамзаргьы акыршықәса аизарахь имныҟәоз ақьырсиан даазар. Урҭ ауаа рҭыԥан ухы ргыл. Ҳәарада, уара даара угәы иахәон гәаартыла иуԥылазҭгьы! (Матф. 7:12). Иулшома уара Аҳратә Зал ахь иааз аԥсшәа раҳәара, насгьы аамҭа рзалхра? Уи ала ҳара аизараҿы абзиабареи аԥхарреи еизҳарҳалоит, уи Иегова дҳаранакуеит (Матф. 5:16). Ҳәарада, уара иулшаӡом аизарахь инеиуа зегьы рацәажәара. Аха зегьы ҳҽеидкыланы иаҳбо аџьабаа абзоурала, аизарахь инеиуа зегьы абзиабареи аԥхарреи рнырлоитa.

Ҳара асасдкылара еснагь иааҳарԥшлар ҳҭахуп, Ахәылԥаз азгәаҭара еиԥш иҟоу иҷыдоу амшқәа мацара раан акәымкәа. Усҟан раԥхьаӡа акәны Аҳратә зал ахь иааз уа иҟоу абзиабара анырбо, Анцәа дҳараркларц, насгьы иара иуаажәлар рыҽрыдыркыларц рҭаххар алшоит (Иоанн 13:35).