Иаарласны агәаҟрақәа зегь рҵыхәтәа ԥҵәоит

Ауадаҩрақәа ҳгәы карыжьлар рылшоит, еиҳараӡак урҭ акыр ҵуазар ҳдыргәаҟуеижьҭеи. Давид идыруан Саул иҵыхәала изцәырҵыз ауадаҩрақәа рҵыхәтәа шыҟало, насгьы Иегова ишиҳәахьаз еиԥш иара аҳас дшыҟало (1 Сам. 16:13). Агәрахаҵара Давид ачҳара аарԥшны Иегова изыԥшра ицхраауан.

Аԥышәарақәа раан ииашаны ҳхәыцлар, насгьы агәеилых бзиа ааҳарԥшлар, ҳҭагылазаашьа еиҳагьы иҳарцәгьаӡом (1 Сам. 21:12—14; Ажәам. 1:4). Аха иҟоуп аҵыхәтәанынӡа иаҳзымыӡбо уадаҩрақәакгьы, абиблиатә принципқәа инарықәыршәаны иҳалшо зегь ҟаҳҵозаргьы. Убасҟан ачҳара аарԥшны Иегова ҳаизыԥшызароуп. Уи иаарласны ҳгәаҟрақәа зегь рҵыхәтәа ԥиҵәоит, насгьы «лаӷырӡ цырак иадамзаргьы» иаҳҿыжжы иаанижьуам (Аат. 21:4). Ҳауадаҩрақәа шыӡбахозаалакгьы (Иегова ицхыраарала акәзаргьы, ма даҽакала акәзаргьы), ҳара агәра ганы ҳаҟазар ҳалшоит ҳгәаҟрақәа зегь шынҵәо. Уи ахьаҳдыруа ҳгәы шьҭнахуеит.

УАХӘАԤШ АВИДЕОНҴАМҬА «АКЗААРА АХЬЫҞАМ АДУНЕИ АҾЫ АӠӘКРА ЗМОУ АЖӘЛАР», АНАҨС ҴАҞА ИААГОУ АЗҴААРАҚӘА РҬАК ҞАҴА:

• Иарбан уадаҩрақәоу изықәшәоз Еиду Аштатқәа аладатәи ахәҭаҿы инхо ақьырсианцәа шьоукы?

• Ишԥаадырԥшуаз урҭ ачҳареи абзиабареи?

• Ирыцхраауази урҭ «еиҳа ихадоу» рхы азышьҭра? (Флп. 1:10, АдҾ).