Шәгәы азыҟашәҵа

Абиблиа анҭаҳҵаауа Иегова изкны еилаҳкаауа ҳгәаҵанӡа инеилар ҳҭахуп. Уи азы ҳгәы азыҟаҳҵароуп. Ҳара Ездра ҳаиҿыԥшыр ауеит. Иара «Иегова изакәан ҭиҵааларц... азы игәы азыҟаиҵеит» (Езд. 7:10). Ишԥаҳалшо Ездра иеиԥш ҳгәы азыҟаҳҵар?

Анцәа шәиҳәала. Абиблиа аҭҵаара шәалагаанӡа Анцәа шәиҳәа. Иегова шәиҳәала еилшәырго аматериал аилкаара дшәыцхраарц, насгьы еилышәкаауа шәыԥсҭазаараҿы ахархәара дшәыцхраарц (Аԥсал. 119:18, 34).

Ахынраалара аашәырԥшла. Анцәа зхы иақәгәыӷуа, иԥагьоу ауаа аҵабырг рцәиҵәахуеит (Лука 10:21). Абиблиа зҭаҳҵаауа ауаа ҳдыррақәа дҳарбарц азы акәӡам. Ԥсахрак шыҟаҵатәу жәбозар, ахынраалара аарԥшны шәхәыцшьа шәыԥсахла.

Ҳашәақәа шәырзыӡырҩла. Амузыка амч амоуп. Убри аҟынтә ибзиоуп Абиблиа аҭҵаара ҳалагаанӡа ҳашәақәа руак ҳазыӡырҩыр. Ус ҟаҳҵалар, иҭаҳҵаауа ҳгәаҵанӡа инеилоит.