Иисус «аҳәатәхаҵара аарԥшышьа иҵеит»

Иисус еснагь Иегова иҳәатәы хеиҵон (Иоанн 8:29). Избан, нас, Абиблиаҿы изану «ихигаз агәаҟрақәа аҳәатәхаҵара аарԥшышьа идырҵеит» ҳәа? (Аур. 5:8).

Иисус адгьыл ахь данаа, ажәҩан аҿы даныҟаз дызқәымшәацыз аҭагылазаашьақәа дрықәшәеит. Иани иаби Иегова бзиа дырбон, аха инаӡаӡамызт (Лука 2:51). Иара аиашара еилазгоз адиннапхгаҩцәеи ҩ-цәак зхарԥаз анапхгаҩцәеи рҟынтә агәаҟрақәа дрықәшәеит (Матф. 26:59; Марк 15:15). Уи адагьы, иара «ахынраалара ааирԥшит, насгьы... дыԥсаанӡа Анцәа иҳәатәы дықәныҟәон», аԥсышьа цәгьагьы ирҭеит (Флп. 2:8).

Абас еиԥш иҟаз аҭагылазаашьақәа рҿы Иисус ажәҩан аҿы еиԥш акәымкәа даҽакала аҳәатәхаҵара ааирԥшыр акәын. Уи абзоурала иара ибзианы ҳаилызкаауа инаӡоу Аҳ, насгьы Аԥшьаҩхада иакәны дҟалеит (Аур. 4:15; 5:9). Иисус дзықәшәаз агәаҟрақәа зегь рҿы Иегова игәы иахәоз ҟаиҵон. Убри аҟынтә Иегова еиҳагьы ихә ашьара далагеит. Ҳаргьы ауадаҩрақәа ҳанрықәшәо Иегова иҳәатәы хаҳҵозар, иара еиҳагьы ҳахә ҳаракны ишьалоит, ҳагәра ганы иҿыцу адҵақәагьы ҳаиҭалоит (Иак. 1:4).