Дабанхо Аџьныш?

Абиблиа иану

Аҩсҭаа доуҳатә шамҭоуп, убри аҟынтә иаҳамбо адоуҳатә сфераҿы дыҟоуп. Уи ауаа цәгьақәа ахьиргәаҟуа џьаҳаным акәӡам, ари астатиаҿы иаагоу асахьа аҟны ишарбоу еиԥш.

Ажәҩан аҿы аибашьра

Аамҭак азы Аҩсҭаа Аџьныш адоуҳатә сфераҿы ихы дақәиҭны дыҟан, Анцәа изиашаз амаалықьцәа дрыцны Иегова иҿаԥхьагьы дцәырҵуан (Иов 1:6). Аха Абиблиаҿы иҳәан «ажәҩан аҿы аибашьра» шыҟалоз, уи иахҟьангьы Аҩсҭаа ажәҩан аҟынтә адгьыл ахь дышкажьхоз (Аатра 12:7—9). Абиблиатә хронологиеи адунеи аҿы имҩаԥысуа ахҭысқәеи ишьақәдырӷәӷәоит ажәҩан аҿы уи аибашьра шыҟалахьоу. Убри аҟынтә уажәшьҭа Аџьныш адгьыл аҳәаақәа дзырҭысӡом.

Иаанагома, нас, уи Аџьныш ҳапланетаҿы иалкаау ҭыԥк аҿы дынхоит ҳәа? Иаҳҳәап, ажәытә қалақь Пергам «Аҩсҭаа итәарҭаҭыԥ», насгьы «Аҩсҭаа дахьтәоу аҭыԥ» ҳәа азҳәан (Аатра 2:13). Уи ақалақь ус зазҳәаз уа Аҩсҭаа имҵахырхәара иадҳәалаз аҵасқәа ахьырацәаз азы акәзар ҟаларын. Абиблиа иаҳәоит Аџьныш «адунеи аҳрақәа зегь» напхгара шырзиуа. Иара адгьыл аҿы иалкаау ҭыԥк аҿы дынхаӡом, аха адгьыл аҳәаақәа дзырҭысӡом (Лука 4:5, 6).