Ҵакыс иамоузеи аԥсҭазаара?

Абиблиа иану

Аԥсҭазаара аҵакы иазхәыцуа ауаҩы изцәырҵыр алшоит азҵаара: «Ҵакыс иамои сыԥсҭазаара?» ма «Иамоума сыԥсҭазаара ахықәкы?» Абиблиа иҳаилнаркаауеит аԥсҭазаара ҵакыс иамоу Анцәа иҩызахара шакәу. Абар ихадоу абиблиатә ҵабыргқәак.

• Анцәа — Ҳазшаз иоуп. «Иара [Анцәа] иоуп ҳазшаз, ҳара ҳхы ҳамшаӡеит» (Аԥсалом 100:3, албаага; Аатра 4:11).

• Анцәа ишамҭақәа зегьы, ҳаргьы уахь ҳналаҵаны, хықәкык-хықәкык рыҭаны ишеит (Исаиа 45:18).

• Анцәа иара ида ԥсыхәа ҳамамкәа ҳаишеит, иара убасгьы аԥсҭазаара ҵакыс иамоу аилкааразы агәаҳәара ҳалеиҵеит (Матфеи 5:3). Иара иҭахуп уи еилаҳкаарц (Аԥсалом 145:16).

• Анцәеи ҳареи ҳаиҩызара ҳарӷәӷәацыԥхьаӡа иара ҳаизааигәахоит. Шьоукы ауаҩы Анцәа дзиҩызахом ҳәа ргәы иаанагоит, аха Абиблиа ҳгәазҭанаҵоит: «Шәизааигәаха Анцәа, усҟан иаргьы дышәзааигәахоит» (Иаков 4:8; 2:23).

• Анцәа ҳаиҩызахарц азы ҳара ҳзы игәы иҭеикыз инақәыршәаны ҳанхалароуп. Уи игәы иҭеикыз ануп Екклезиаст 12:13 аҟны: «Анцәа уицәшәала, иԥҟарақәагьы урықәныҟәала. Убри ауп ауаҩы иԥсҭазаараҿы зегь раасҭа ихадоу».

• Ҳаԥхьаҟа Анцәа агәаҟрақәа зегь ықәигоит, насгьы гәыкала имаҵ зуа иҩызцәа наӡаӡатәи аԥсҭазаара риҭоит. Убасҟан игәҭакы аҵыхәтәанынӡа инаӡоит (Аԥсалом 37:10, 11).