5. Иегова иҩызцәа рҟынтә дыззыԥшу

Ҳәарада, ҳара ҳҩызцәа рҟынтә ҳаззыԥшу ыҟоуп.

• Шәыззыԥшузеи шәара шәҩызцәа рҟынтә?

Шәаԥхьа 1 Иоанн 5:3, нас азҵаара аҭак ҟашәҵа:

• Дыззыԥшузеи Иегова иҩызцәа рҟынтә?

Иегова игәы ҟаҳҵаларц азы, ҳхымҩаԥгашьа ма иҳалоу ҟазшьак ԥсахтәхар алшоит. Шәаԥхьа Исаиа 48:17, 18, нас азҵаара аҭак ҟашәҵа:

• Избан Иегова иҩызцәа дызрыҳәо рыԥсҭазаараҿы ак рыԥсахырц?

Абиблиа аҭҵаара шәалагеижьҭеи еиҳагьы Анцәа шәшизааигәахаз гәашәҭама? Ишәҭахума шәеиҩызара анаҩсгьы ишәырӷәӷәалар? Ишәҭахызар, ишәхашәмыршҭлан Анцәа шаҟа бзиа дыжәбало аҟара иаргьы еиҳа бзиа шәшибало, насгьы еиҳагьы шәыхә ҳаракны ишишьало. Ишәырбар шԥашәылшо Анцәа бзиа дшыжәбо?

1. Ишԥаҳалшо Иегова бзиа дшаҳбо аарԥшра?

Иегова ҳанизыӡырҩуа, бзиа дшаҳбо ааҳарԥшуеит. (Шәаԥхьа 1 Иоанн 5:3.) Иара аӡәгьы идицалаӡом изакәанқәа рыла анхара. Иара дасу алшара ииҭеит иҟаиҵаша ихала иӡбаларц. Избан Иегова ус зыҟаиҵо? Избанзар иара иҭахуп гәыкала ҳаизыӡырҩларц (Римаа 6:17). Иара ус иахәҭоуп ҳәа акәымкәа, бзиа дбаны ҳаизыӡырҩларц иҭахуп. Ари ашәҟәаҿы иҟоу 3-тәи, 4-тәи аҟәшақәа шәыцхраауеит Анцәа игәаԥхо аҟаҵареи игәы изырхьуа шәхы ацәыхьчареи.

2. Избан Иегова бзиа дшаҳбо аарԥшра зны-зынла изымариам?

Абиблиаҿы иануп: «Ауаҩ иаша игәаҟрақәа рацәоуп» (Аԥсалом 34:19). Ҳара зегьы аԥсыҽрақәеи агхақәеи ҳамоуп. Уи адагьы, аԥара иадҳәалоу ауадаҩрақәеи, аиашамреи, егьырҭ ауадаҩрақәеи ҳрықәшәар ауеит. Ауадаҩрақәа ҳанрықәшәо, Иегова ииҳәо аҟаҵара мариамызшәа ҳбар алшоит, избанзар ииашам аҟаҵара еиҳа имариоуп. Аха Иегова ишәеиҳәо ҟашәҵалар, иара игәаанагара шәара шәзы зегь реиҳа ишхадоу аашәырԥшуеит. Убасала шәышизиашоу ишәырбалоит, иаргьы дшәызиашазаауеит. Иара ахаангьы шәаанижьӡом. (Шәаԥхьа Аԥсалом 4:3.)

4. Иегова дшәыргәырӷьала

Шәаԥхьа Ажәамаанақәа 27:11, нас азҵаара аҭак ҟашәҵа:

• Иарбан цәаныррақәоу изцәырҵуа Иегова, ҟәыӷарала ҳхы анымҩаԥаҳго, насгьы ҳанизыӡырҩуа? Избан?

5. Иегова шәизиашаны аанхара шәылшоит

АВИДЕОНҴАМҬА: «Еснагь шәазхиаз шәхаҵара ахьчара» (5:09)

• Ишәцәыцәгьоума Иегова иӡбахә егьырҭ рзеиҭаҳәара?

• Ицхраазеи Греисон имаз ашәара аиааира?

Иегова ҳизиашаны имаҵ ауреи бзиа ибареи ҳзымариахоит, иара бзиа иибо бзиа иаҳбозар, ицәымӷу ҳцәымӷзар. Шәаԥхьа Аԥсалом 97:10, нас азҵаарақәа рҭак ҟашәҵа:

• Иегова изкны еилышәкаахьоу инақәыршәаны, бзиа иибои иара? Ицәымӷузеи?

• Ишәыцхраауазеи Анцәа ибзиоуп ҳәа ииԥхьаӡо бзиа абара, ицәгьоуп ҳәа ииԥхьаӡо ацәымӷра?

6. Иегова изыӡырҩра ахәарҭа ҳзаанагоит

Анцәа ииҳәо аҟаҵара еснагь зегьы иреиӷьуп. Шәаԥхьа Исаиа 48:17, 18, нас азҵаарақәа рҭак ҟашәҵа:

• Агәра жәгома шәара Иегова еснагь ҳара ҳзы еиҳа еиӷьу шидыруа? Избан?

• Иарбан хәарҭоу ишәзаанагахьоу Абиблиеи Ҳазшаз Анцәа Иеговеи ирызкны еилышәкааз?

ИХАДОУ АЗХӘЫЦРА

Иегова бзиа дшаҳбо ааҳарԥшуеит, ҳанизыӡырҩуа, насгьы ианҳзымариамгьы гәыкала ҳизиашаны ҳанаанхо.

Аиҭахысра

• Ишәнарҵазеи Иов иҿырԥшы?

• Иаашәырԥшыр шԥашәылшо Иегова бзиа дшыжәбо?

• Ишәыцхраауазеи Иегова шәизиашаны аанхара?

ИҴЕГЬ ШӘАХӘАԤШ

Еилышәкаа Иеговеи, аишьцәеи, аиҳәшьцәеи шәрызиашазар шшәылшо.

«Уара гәыкала иузыҟоу гәыкала урзыҟоуп» (16:49)

Аҩсҭаа ауаа ирхареиҵаз атәы еиҳаны еилышәкаа.

«Иов хранит непорочность» («Библия и её главная тема», ахәҭа 6)

Шәахәаԥш ахәыҷқәаҵәҟьагьы Иегова бзиа дшырбо аадырԥшлар шрылшо.

«Иегова дыргәырӷьала» (8:16)

Ишԥарылшо аҿар, рықәлацәа шырҿагылоугьы, Иегова гәыкала бзиа дшырбо аадырԥшлар?

«Уқәлацәа рықәыӷәӷәара уаҿагыл!» (4:00)

Ҳара зегьы аӡбарақәа ҳадаҳкылоит. Урҭ рахьтә иҟоуп ҳаԥсҭазаареи Иеговеи ҳареи ҳаизыҟазаашьақәеи ирныԥшыр алшо аӡбарақәа. Иаҳҳәап, ҳара иҳаӡбароуп ҳахьынхалаша, аус ахьаҳаулаша, аҭаацәара ҳалалару-ҳаламлару. Ииашоу аӡбарақәа анҳадаҳкыло, насыԥ ҳауеит, Иеговагьы дҳаргәырӷьоит.

1. Ишәыцхраар шԥалшо Абиблиа ииашоу аӡбарақәа рыдкылара?

Ӡбарак шәыдышәкылаанӡа, ацхырааразы Иегова шәиҳәала, насгьы ишәыӡбарц ишәҭаху иазкны Абиблиа иаҳәо еилышәкаала. Убас шәара ишәыдышәкыларц ишәҭаху аӡбара аганахьала Иегова игәаанагара еилышәкаауеит. (Шәаԥхьа Ажәамаанақәа 2:3—6.) Зҵаарақәак рҿы Иегова иҟаҵатәуи иҟаҵатәыми еилыкка иҳәоит. Ус еиԥш иҟоу аҭагылазаашьаҿы зегьы иреиӷьуп иара ишиҳәо иҟаҳҵар.

Аха иҟаҵатәузеи, ишәыӡбарц ишәҭаху аганахьала Абиблиаҿы акгьы анымзар? Иегова уеизгьы шәызлацаша амҩа шәирбар илшоит (Исаиа 48:17). Ишԥа? Апринципқәа рыла. Абиблиа иану апринципқәа — ари Анцәа игәаанагара ҳаилзыркаауа ихадоу аҵабыргқәа роуп. Лассы-лассы Анцәа зҵаарак дшазыҟоу аилкаара Абиблиаҿы иану цыԥҵәахак ҳацхраар алшоит. Иегова ҳаӡбарақәеи ҳхымҩаԥгашьеи дшырзыҟоу анеилаҳкаауа, еиҳа иаҳзымариахоит иара игәы иақәшәо аӡбарақәа рыдкылара.

2. Ҳзызхәыцыр ҳахәҭоузеи, аӡбара ҳадаҳкылаанӡа?

Абиблиаҿы иануп: «Аилкаара змоу ауаҩы ишьаҿақәа дрызхәыцуеит» (Ажәамаанақәа 14:15). Ус анакәха, аӡбара адкылара ҳахымыццаклароуп. Ӡбарак шәыдышәкылаанӡа, шәхы шәазҵаа: «Иарбан библиатә принципқәоу сҭагылазаашьа ианаало? Сгәы ҭынчзаауама, уи аӡбара сыдыскылар? Исыдыскыло аӡбара егьырҭ ирԥырхагахар алшома? Даргәырӷьома Иегова исыдыскыло аӡбара?» (Ҩынтәзакәан 32:29).

Иегова азин имоуп абри иашоуп, абри иашаӡам ҳәа ҳаҳәара. Анцәа изакәанқәеи ипринципқәеи анеилаҳкаауа, насгьы урҭ ҳхы иаҳархәаларц анаҳаӡбо, ҳаламыс ҳааӡоит. Аламыс — ари ацәгьеи абзиеи закәу ҳаҵазҳәо ҩныҵҟатәи бжьуп (Римаа 2:14, 15). Ҳаламыс Абиблиа ала иҳааӡалар, уи ииашоу аӡбарақәа рыдкылара иҳацхраалоит.

ЕИҲАНЫ ЕИЛЫШӘКАА

3. Абиблиатә принципқәа амҩа иаша удырбоит

АВИДЕОНҴАМҬА: «Абиблиатә принципқәа шәрықәныҟәала» (5:54)

• Иарбан хақәиҭроу Иегова дасу иҳаиҭаз?

• Изҳаиҭазеи Иегова уи аҩыза ахақәиҭра?

• Иҳаиҭазеи иара, уи ахақәиҭра ииашаны ҳхы иаҳархәаларц азы?

Ҳахәаԥшып библиатә принципк. Шәаԥхьа Ефесаа 5:15, 16. Анаҩс шәалацәажәа шәаамҭа еиҳа еиӷьны шәхы иашәырхәалар шшәылшо:

• иааиԥмырҟьаӡакәа Абиблиа аԥхьаразы;

• ахаҵа ироль ма аԥҳәыс лроль, аб ироль ма ан лроль, аԥа ироль ма аԥҳа лроль ибзианы анагӡаразы;

• аизарақәа рҭааразы.

4. Шәыламыс шәааӡала

АВИДЕОНҴАМҬА: «Шәыламыс цқьаз» (5:13)

• Иҟалҵазеи аиаҳәшьа, Иегова дзыргәырӷьо аӡбара адкылараҿы лыламыс лыцхраарц азы?

Избан егьырҭ ҳара ҳзы аӡбарақәа рыдыркыларц ҳрыҳәалар зҳахәҭам? Шәаԥхьа Ауриацәа 5:14, нас азҵаарақәа рҭак ҟашәҵа:

• Егьырҭ ҳара ҳзы аӡбара рыдыркыларц ҳрыҳәалар, иаҳзымҵои ахаан?

• Ишәыцхраар алшозеи шәыламыс ааӡареи ииашоу аӡбарақәа рыдкылареи?

5. Егьырҭ рыламыс пату ақәышәҵала

Ауаа зегь еиԥшӡам, убри аҟынтә ирыдыркыло аӡбарақәагьы еиԥшӡам. Ишԥашәылшо егьырҭ рыламыс пату ақәҵара? Шәрыхәаԥш ҩ-ҭагылазаашьак.

Актәи аҭагылазаашьа. Аҽшәра бзиа избо аиаҳәшьа уи бзиа изымбо аиҳәшьцәа ахьырацәоу аизарахь диасуеит.

Шәаԥхьа Римаа 15:1, насгьы 1 Коринфаа 10:23, 24, нас азҵаарақәа рҭак ҟашәҵа:

• Иарбан ӡбароу илыдылкылар лылшо аиаҳәшьа, арҭ ажәеинраалақәа инарықәыршәаны? Шәхы шԥамҩаԥыжәго, аӡәы иламыс иаҵанамкуа шәара шәыламыс иаҵанакуазар?

Аҩбатәи аҭагылазаашьа. Аиашьа идыруеит Абиблиа азин шинаҭо иахмырҟьацәакәа арыжәтә ажәра. Аха иара ихазы иӡбоит арыжәтә зынӡа имжәларц. Иҩызцәа ааԥхьара ирҭоит иааидтәаларц. Уа иара ибоит егьырҭ аишьцәа арыжәтә шыржәуа.

Шәаԥхьа Екклезиаст 7:16, насгьы Римаа 14:1, 10, нас азҵаарақәа рҭак ҟашәҵа:

• Иарбан ӡбароу аиашьа идикылар илшо, арҭ ажәеинраалақәа инарықәыршәаны? Шәхы шԥамҩаԥыжәго, аӡәы шәыламыс иаҵанамкуа ак ҟаиҵозар?

Ииашоу аӡбара адкылара иуцхраауа

1. Иегова шәиҳәа, ииашоу аӡбара адкылара дшәыцхраарц азы (Иаков 1:5).

2. Ишәыԥшаа Абиблиаҿы, насгьы уи шьаҭас измоу апубликациақәа рҿы шәҭагылазаашьа ианаало апринципқәа. Иара убас аԥышәа змоу ақьырсианцәа шәрыдҵаалар шәылшоит.

3. Алҵшәақәа шәрызхәыц: ишԥаныԥшуеи ишәыдышәкылаз аӡбара шәыламыси егьырҭ рыламыси?

ИХАДОУ АЗХӘЫЦРА

Ииашоу аӡбара ҳадаҳкыларц азы, Иегова игәаанагара еилаҳкаалароуп, насгьы ҳхымҩаԥгашьа егьырҭ ирԥырхагахоу-ирыцхраауоу ҳазхәыцроуп.

Аиҭахысра

• Ишԥаҳалшо Иегова игәы иахәо аӡбарақәа рыдкылара?

• Ишԥааӡалатәу ҳаламыс?

• Ишԥашәылшо егьырҭ рыламыс пату шақәышәҵо аарԥшра?

ИҴЕГЬ ШӘАХӘАԤШ

Ишԥашәылшо Иеговеи шәареи шәеиҩызара зырӷәӷәо аӡбарақәа рыдкылара?

«Принимайте решения, которые прославляли бы Бога» («Ахьчаратә бааш», апрель 15, 2011, аурыс)

Еилышәкаа Иегова ҳаԥсҭазаараҿы ҳшымҩақәиҵо.

«Иегова имаҵзуҩцәа мҩақәиҵоит» (9:52)

Еилышәкаа рԥыск имариамыз аӡбара адкылара ицхрааз.

«Иегова иоуп ҳзықәгәыӷыр ҳалшо» (5:51)

Еилышәкаа Абиблиаҿы иҟашәҵаша еилыкка иананым, Иегова дзыргәырӷьо аӡбара адкылара шшәылшо.

«Нужен ли тебе каждый раз конкретный библейский закон?» («Ахьчаратә бааш», декабр 1, 2003, аурыс)