• Ишәԥырхагоума алакҩакра Иисус ишьҭанеира?
    Ахьчаратә бааш (аҵаразы аҭыжьымҭа) 2021 | маи

    • 1. ИИСУС ДАХЬАТӘЫЗ

      Аӡәырҩы Иисус игәра рымгаӡеит уи дахьиз дызхылҵыз ахьыргәамԥхоз азы. Ирԥырхагахар шԥалшо шьоукы уи иахьагьы? (Шәахәаԥш абзац 5.)b

      5. Избан шьоукы ргәы иаанагалар залшоз Иисус Мессиа иакәӡам ҳәа?

      5 Аӡәырҩы Иисус дахьатәыз иахҟьаны дрыдрымкылаӡеит. Дара ирдыруан Иисус дшырҵаҩ бзиаз, насгьы аџьашьахәқәа шыҟаиҵоз, аха дара рзы уи баша иӷарыз ауасҭа иԥа иакәын. Уи адагьы, иара ақалақь хәыҷ Назарет датәын. Нафанаилгьы Иисус диҵаҩны дҟалаанӡа иҳәеит: «Иназареттәу бзиарас иалоузеи?» (Иоанн 1:46). Иҟалап Нафанаил Иисус дахьынхоз ақалақь игәамԥхозҭгьы, ма зыӡбахә иҳәоз Михеи 5:2 иану аԥааимбаражәа акәызҭгьы. Уа иаҳәоит Мессиа Назарет акәымкәа, Вифлеем дираны дшыҟаз.

      6. Ирыцхраар алшози Иисус ихаан инхоз ауаа иара Мессиа шиакәыз аилкаара?

      6 Иаҳәозеи Абиблиа? Аԥааимбаражәақәа рацәаны Мессиа дираны дахьыҟаз дызхылҵуаз атәы рҳәон. Аха аԥааимбар Исаиа заа иҳәахьан Иисус иаӷацәа дахьиз дызхылҵыз ишазымхәыцло (Ис. 53:8). Урҭ ауаа аамҭа алхны афактқәа ҭырҵаазҭгьы еилыркаауан, Михеи ишиҳәахьаз еиԥш, Иисус Вифлеем дышиз, насгьы Аҳ Давид ихылҵшьҭра дшатәыз (Лука 2:4—7). Аха дара афактқәа ирзымхәыцӡакәа рхатә лкаақәа ҟарҵон. Уи Иисус Мессиа шиакәыз агәра агара ирԥырхагахеит.

  • Ишәԥырхагоума алакҩакра Иисус ишьҭанеира?
    Ахьчаратә бааш (аҵаразы аҭыжьымҭа) 2021 | маи

    • 2. ИИСУС ЕГЬЫРҬ ИРШАНХАРЦ АЗЫ АЏЬАШЬАХӘҚӘА ҞАИҴОМЫЗТ

      Аӡәырҩы Иисус игәра рымгаӡеит аџьашьахәқәа рыҟаҵара мап ахьацәикуаз азы. Ирԥырхагахар шԥалшо шьоукы уи иахьагьы? (Шәрыхәаԥш абзацқәа 9, 10.)c

      9. Иҟалазеи Иисус ажәҩан ахьтә дыргак дырбара мап анацәик?

      9 Шьоукы Иисус идирҵоз мацара рызхаӡомызт. Дара еиҳаз акы рҭахын. Иисус Мессиа шиакәу шьақәирӷәӷәарц азы «ажәҩан ахьтә дыргак дирбаразы иҳәауа» иалагеит (Матф. 16:1). Иҟалап урҭ Даниил 7:13, 14 иану аԥааимбаражәа ииашамкәа еилыркаауазҭгьы. Иегова игәҭакы инақәыршәаны уи аԥааимбаражәа аамҭак ашьҭахь инаӡар акәын. Иисус Мессиа шиакәыз идирҵоз мацаралагьы еилукаар ауан. Убри аҟынтә урҭ зызиҳәоз аџьашьахәы ҟаимҵаӡеит. Ирҭахыз анырмоу Иисус игәра агара мап ацәыркит (Матф. 16:4).

      10. Ишԥанаигӡеи Иисус Мессиа изкны Исаиа 42:1, 2 иану ажәақәа?

      10 Иаҳәозеи Абиблиа? Аԥааимбар Исаиа Мессиа изкны иҳәеит: «Иара ибжьы рдуны дцәажәалаӡом, дыҳәҳәалаӡом, амҩаду аҿгьы ибжьы аӡәгьы иирҳаӡом» (Ис. 42:1, 2). Иисус адгьыл аҿы Анцәа имаҵ аниуаз ихы ӡыригаӡомызт. Иара ауахәама дуқәа иргыломызт, иҷыдоу амаҭәа ишәымызт, насгьы ауаа аниацәажәоз атитул дуқәа рхы иадырхәаларц реиҳәомызт. Иисус аӡбарҭа аҿаԥхьа дангылаз иԥсҭазаара ашәарҭара ишҭагылазгьы, Ирод игәы ҟаиҵарц азы аџьашьахәы ҟаимҵаӡеит (Лука 23:8—11). Ааи, Иисус адгьыл аҿы даныҟаз аџьашьахәқәа ҟаиҵон, аха хықәкы хадас имаз Аҳра ажәабжь аҳәара акәын. Иара иҵаҩцәа иреиҳәеит: «Убри азоуп Сара сзааз» (Марк 1:38).