2. Ҳазыҟазар шԥаҳахәҭоу аԥара?

Абиблиаҿы иануп аԥара ушахьчо. Аха иара убас уа иануп аԥара амацара анасыԥ шаҳнамҭо (Екклезиаст 7:12). Абиблиа аԥара мыцхәы бзиа иҳамбаларц ҳгәаҳҽаннаҵоит, насгьы иҳамоу маҷҳамшьаларц ҳабжьнагоит. (Шәаԥхьа Ауриацәа 13:5.) Иҳамоу ҳзырханы ҳанхозар, иҳамоу маҷуп ҳәа ҳхәыцлаӡом, еснагь еиҳау ҳашьҭазаалаӡом, иаҭахым ауалқәагьы ҟаҳҵалаӡом (Ажәамаанақәа 22:7). Иара убас алашыҩкратә хәмаррақәеи џьабаада ирласны амал арҳаразы иҟоу аусқәеи ирыҵоу ашәарҭарақәа ҳҽырцәаҳахьчоит.

5. Иҳамоу ҳзырханы ҳанынхо, уи ҳахьчоит

Аԥара рацәаны арҳара иашьҭоу маҷҩым. Аха Абиблиа иҳабжьнаго даҽакуп. Шәаԥхьа 1 Тимофеи 6:6—8, нас азҵаара аҭак ҟашәҵа:

• Ҳгәы зызҭанаҵозеи Абиблиа?

АВИДЕОНҴАМҬА: «Ишәымоу шәызшәырха, шәалаӡа» (3:20)

• Избан арҭ аҭаацәарақәа ӷарны ишынхогьы, насыԥ зрымоу?

Акрамоума, иҳамоу шырацәоугьы, иҵегь ҳамазарц ҳҭахызар? Иисус аҿырԥштәы ааганы, уи зшәарҭоу еиҭеиҳәеит. Шәаԥхьа Лука 12:15—21, нас азҵаара аҭак ҟашәҵа:

• Ишәнарҵои ари аҭоурых? (Шәахәаԥш ажәеинраала 15.)

Шәаԥхьа, иара убас еиҿшәырԥш Ажәамаанақәа 10:22, насгьы 1 Тимофеи 6:10. Нас азҵаарақәа рҭак ҟашәҵа:

• Шәгәы ишԥаанаго, зегь реиҳа ихадои: Иеговеи ҳареи ҳаиҩызара акәу, аԥара арҳара акәу? Избан?

• Иарбан уадаҩрақәоу еснагь аԥара арҳара иашьҭоу зықәшәо?