Избан уара ицқьоу амҵахырхәара ахә зушьо?

Ауахәама иадҳәалаз Иезекииль ибара атәра иҭашәаз аиудеиаа ргәы шьҭнахит, избанзар уи ицқьоу амҵахырхәара шышьақәыргылахо агәра днаргон. Аҵыхәтәантәи арҭ амшқәа раан «Иегова иҩны ашьха», мамзаргьы ицқьоу амҵахырхәара, «ашьхақәа рхыцәқәа» иқәгәылеит. Уахь ажәларқәа рҟынтә ауаа зегьы неиуеит, уаргьы урҭ урылоуп (Ис. 2:2). Уазхәыцуама уара Иегова идырреи имаҵ ауреи шҳаҭыр дуу?

ИЦҚЬОУ АМҴАХЫРХӘАРА ИААНАГО АЗЫЛԤХАРАҚӘА:

• 

  меигӡарахда адоуҳатә фатәы, уи иабзоураны акрызҵазкуа азҵаарақәа рҭак ҳауеит; ҳаԥсҭазаараҿы ҳхы ззаҳкша ҳдыруеит, насгьы агәыӷра ӷәӷәа ҳамоуп (Ис. 48:17, 18; 65:13; Рим. 15:4);

• жәларбжьаратәи аиашьара (Аԥсал. 132:1 [133:1, АдҾ]; Иоанн 13:35);

• Анцәа аус ицура алшара (Аус. 20:35; 1 Кор. 3:9);

• аԥышәарақәа раан амч ҳазҭо «Анцәа идунеи [«иҭынчра», АдҾ]» (Флп. 4:6, 7);

• аламыс цқьа (2 Тим. 1:3);

• Иегова иҩызахара алшара (Аԥсал. 24:14 [25:14, АдҾ]).

Ишԥасылшо ицқьоу амҵахырхәара ахә шысшьо аасырԥшыр?