Абиблиа ихадоу темас иамоу Анцәа Иаҳра ауп. Иегова Иаҳра ихы иархәаны, адгьыл зегь џьанаҭны иҟаиҵоит. Изакәызеи Анцәа Иаҳра? Иабантәиҳдыруеи Анцәа Иаҳра напхгара аура ишалагахьоу? Иҟанаҵахьозеи Анцәа Иаҳра? Иҟанаҵараны иҟоузеи уи ҳаԥхьаҟа? Арҭ азҵаарақәа рҭак ари ауроки анаҩстәи ҩ-урокки рҿы ишәоуеит.

1. Изакәызеи Анцәа Иаҳра, насгьы Аҳас иамада уи?

Аҳра — ари Анцәа Иегова ишьақәиргылаз напхгароуп. Уи Аҳра Аҳас дамоуп Иисус Христос. Иара ажәҩан аҟынтә напхгара иуеит (Матфеи 4:17; Иоанн 18:36). Абиблиаҿы иҳәоуп иара наӡаӡа напхгара шиуло (Лука 1:32, 33). Анцәа Иаҳра Аҳас иамоу Иисус Христос адгьыл иқәынхо зегь напхгара рзиулоит.

2. Напхгара ицзулода Иисус?

Иисус имацара иакәӡам напхгара зуло. Иара напхгара ицрулоит «биԥарас, милаҭс, жәларыс, бызшәас иҟоу зегь рҟынтә ауаа» (Аатра 5:9, 10). Шаҟаҩы напхгара ицрулода? Иисус адгьыл аҿы данынхоз аахижьҭеи миллионҩыла ауаа қьырсианцәахеит. Аха урҭ рахьтә 144 000-ҩык роуп ажәҩан ахь ицо, Иисус напхгара ицруларц азы. (Шәаԥхьа Аатра 14:1—4.) Егьырҭ ақьырсианцәа зегь Анцәа Иаҳра анапхгара аҵаҟа адгьыл аҿы инхалоит (Аԥсалом 37:29).

3. Излареиӷьузеи Анцәа Иаҳра ауаа ишьақәдыргылаз анапхгарақәа?

Иахьа аҳәынҭқарцәа бзиарак ҟаҳҵап ҳәа ргәы иҭаркыргьы, аҵыхәтәанынӡа уи анагӡара рылшаӡом. Аамҭак ашьҭахь напхгаҩык иҭыԥ аҿы зхы мацара иазхәыцуа, ауаа хьаас измам даҽа напхгаҩык дааиуеит. Аха Анцәа Иаҳра напхгаҩыс иамоу Иисус иакәзар, иара еснагь аҳра иулоит, ахаангьы иҭыԥ аҿы даҽаӡә дааиӡом. Анцәа ишьақәиргылеит ахаан аӡәгьы иқәимго Аҳра (Даниил 2:44). Иисус адгьыл зегь напхгара азиулоит. Иара ауаа еилихлаӡом, шьоукы иалкааны ибалаӡом. Иисус абзиабареи, ақьиареи, аиашареи илоуп, ауаагьы идирҵоит убас еизыҟазарц — бзиа еибабаларц, ақьиара аадырԥшларц, ииашаны егьырҭ ирызныҟәаларц. (Шәаԥхьа Исаиа 11:9.)

4. Адгьыл напхгара азнаулоит амч ду змоу Аҳра

Иисус Христос имоу амчра аҩыза змаз напхгаҩык адгьыл аҿы ахаан дыҟамызт. Шәаԥхьа Матфеи 28:18, нас азҵаара аҭак ҟашәҵа:

• Дызлареиԥшымзеи Иисус Христос егьырҭ анапхгаҩцәа?

Ауаа рнапхгаҩцәа еснагь ирыԥсахуеит, насгьы урҭ анапхгаҩцәа дара рҳәынҭқарраҿы ауп напхгара ахьыруа. Аха иахаҳҳәаар ҳалшозеи Анцәа Иаҳра? Шәаԥхьа Даниил 7:14, нас азҵаарақәа рҭак ҟашәҵа:

• Избан изыбзиоу Анцәа Иаҳра ахаан иахьықәымгахо?

• Избан уи адгьыл зегь напхгара ахьазнауло зыбзиоу?

5. Ауаа рнапхгарақәа ԥсахтәуп

Избан ауаа рнапхгарақәа рҭыԥан Анцәа Иаҳра зыҟало? Шәахәаԥш АВИДЕОНҴАМҬА, нас азҵаара аҭак ҟашәҵа.

АВИДЕОНҴАМҬА: «Изакәызеи Анцәа Иаҳра?» (ацыԥҵәаха) (1:41)

• Лҵшәас иаанагазеи ауаа рнапхгара?

Шәаԥхьа Екклезиаст 8:9, нас азҵаарақәа рҭак ҟашәҵа:

• Шәгәы ишԥаанаго, ауаа рнапхгарақәа Анцәа Иаҳрала иԥсахтәума? Избан ус шәгәы изаанаго?

6. Анцәа Иаҳраҿы ҳаилызкаауа анапхгаҩцәа ҟалоит

Ҳаҳ Иисус ихаҭагьы дуаҩны дыҟан, убри аҟынтә ҳаԥсыҽрақәа ибзианы еиликаауеит (Ауриацәа 4:15). Иисус напхгара ицзуло 144 000-ҩык гәыкала Анцәа имаҵ зуа ахацәеи аҳәсеи — «биԥарас, милаҭс, жәларыс, бызшәас иҟоу зегь рҟынтә» Иегова ихаҭа иалихыз ауаа роуп (Аатра 5:9).

• Иисус напхгара ицзулои иареи уаҩны аҟазаара закәу ибзианы ирдыруеит. Шәгәы шьҭнахуама уи? Избан?

7. Анцәа Иаҳра азакәанқәа ауаа рзакәанқәа раасҭа акырӡа еиӷьуп

Анапхгаҩцәа рыуаажәлар зыхьчо азакәанқәа ҭрыжьуеит. Анцәа Иаҳрагьы азакәанқәа амоуп. Уи анапхгара аҵаҟа инхало ауаа урҭ азакәанқәа ирықәныҟәалар ауп. Шәаԥхьа 1 Коринфаа 6:9—11, нас азҵаарақәа рҭак ҟашәҵа:

• Изеиԥшрахози адунеи, ауаа зегьы Анцәа иԥҟарақәа ирықәныҟәозҭгьы?a

• Шәгәы ишԥаанаго, имоума Иегова азин Аҳра анапхгара аҵаҟа инхало ауаа изакәанқәа рыхә ршьалоит ҳәа азыԥшра? Избан ус шәгәы изаанаго?

• Иаҳзырбозеи Анцәа изакәанқәа рыла инымхо ауаа рҽырыԥсахыр шрылшо? (Шәахәаԥш ажәеинраала 11.)

ИХАДОУ АЗХӘЫЦРА

Анцәа Иаҳра — ажәҩан аҿы иҟоу напхгароуп. Уи адгьыл зегь напхгара азнаулоит.

Аиҭахысра

• Напхгара зулода Анцәа Иаҳраҿы?

• Избан Анцәа Иаҳра ауаа рнапхгарақәа раасҭа изеиӷьу?

• Дыззыԥшузеи Иегова Иаҳра анапхгара аҵаҟа инхало ауаа рҟынтә?

ИҴЕГЬ ШӘАХӘАԤШ

Иазгәашәҭ Иисус Аҳра ахьыҟоу иазкны ииҳәоз.

«Находится ли Царство Бога в сердце человека?» (авеб-статиа)

Избан Иегова ишаҳаҭцәа ауаа рнапхгара акәымкәа, Анцәа Иаҳра анапхгара изадгыло?

«Анцәа Иаҳра ҳазиашоуп» (1:44)

Еилышәкаа Иисус напхгара ицруларц азы Иегова иалихыз ауаа ирызкны Абиблиаҿы иану.

«Кто идёт на небо?» (авеб-статиа)

Ишԥеилылкааи ԥҳәыск абахҭа дахьҭакыз, Анцәа заҵәык шиакәу адгьыл аҿы аиашара шьақәзыргылар зылшо?

«Я узнала, что справедливость восторжествует» («Пробудитесь!», ноиабр 2011)

Анцәа Иаҳра ажәҩан аҟны напхгара аура иалагеит 1914 шықәсазы. Уи ашықәсазы ауаа рнапхгарақәа рзы аҵыхәтәантәи амшқәа ирылагеит. Иабантәиҳдыруеи ҳара уи? Шәааи Абиблиа иану аԥааимбаражәақәа ҳрыхәаԥшып, насгьы 1914 шықәса инаркны адунеи аҿы аҭагылазаашьеи ауаа рхымҩаԥгашьеи зеиԥшрахаз еилаҳкаап.

1. Ирҳәозеи Абиблиаҿы иану аԥааимбаражәақәа?

Абиблиаҿы иҟоу Даниил ишәҟәаҿы иануп Анцәа Иаҳра «бжь-аамҭак» рҵыхәтәаны напхгара аура ишалаго (Даниил 4:16, 17). Ашәышықәсақәа рышьҭахь Иисус Христос уи аамҭа «ажәларқәа ирзалху аамҭақәа» ҳәа азиҳәеит (Лука 21:24). Уи аниҳәоз, иара иазгәеиҭеит уи аамҭа макьана ишнымҵәацыз. Анаҩс ишаҳбо еиԥш, урҭ бжь-аамҭак 1914 шықәсазы инҵәеит.

2. Изеиԥшрахазеи 1914 шықәса инаркны адунеи аҿы аҭагылазаашьеи ауаа рхымҩаԥгашьеи?

Иисус иҵаҩцәа иазҵааит: «Иарбан дыргоу иаҳзырбо ушыхынҳәыз, насгьы ари адунеи аҵыхәтәа шааигәахаз?» (Матфеи 24:3). Усҟан Иисус ак агмыжькәа ирзеиҭеиҳәеит Анцәа Иаҳраҿы Аҳас даныҟало адгьыл аҿы иҟало ахҭысқәа рыӡбахә. Иаҳҳәап, иара иҳәеит аибашьрақәеи, амлакреи, адгьылҵысрақәеи шыҟало. (Шәаԥхьа Матфеи 24:7.) Иара убас Абиблиаҿы иануп аҵыхәтәантәи амшқәа раан ауаа рхымҩаԥгашьа шыбааԥсхо, насгьы аԥсҭазаара даараӡа ишыцәгьахо (2 Тимофеи 3:1—5). Ишаҳбо еиԥш, 1914 шықәса инаркны адунеи аҿы аҭагылазаашьеи ауаа рхымҩаԥгашьеи даараӡа рҽырыԥсахит.

3. Избан Анцәа Иаҳра напхгара аура ианалага ашьҭахь адунеи аҿы аҭагылазаашьа зеицәахаз?

Иисус Анцәа Иаҳра Аҳас данахагыла ашьҭахь, иаразнак ажәҩан аҿы Аҩсҭааи уи идемонцәеи драбашьит. Аҩсҭаа уи аибашьраҿы даҵахеит. Абиблиаҿы иануп Аҩсҭаа имаалықьцәеи иареи алырбганы, адгьыл ахь икажьын ҳәа (Аатра 12:9, 10, 12). Аҩсҭаа иԥсахы еибакны дыҟоуп, избан акәзар иаарласны дшықәгахо идыруеит. Убри аҟынтә иара адгьыл иқәынхо ауаа зегьы агәаҟрақәеи ахьааи рзааигоит. Иџьашьатәӡам адунеи аҿы аҭагылазаашьа абас изыбааԥсу! Аха Анцәа Иаҳра урҭ ауадаҩрақәа зегь аӡбоит.

ЕИҲАНЫ ЕИЛЫШӘКАА

4. Абиблиатә хронологиа иаҳнарбоит Анцәа Иаҳра 1914 шықәсазы напхгара аура ишалагаз

АВИДЕОНҴАМҬА: «1914 шықәсазы Анцәа Иаҳра напхгара аура иалагеит» (5:02)

Анцәа вавилонтәи аҳ Навуходоносор иҟалараны иҟоу иазкны аԥхыӡ иирбеит. Уи аԥхыӡи Даниил ииҳәази рҟынтә иубарҭоуп Навуходоносор иибаз аԥааимбаражәатә ԥхыӡ иара инапхгареи Анцәа Иаҳра анапхгареи ишрыҵанакуаз. (Шәаԥхьа Даниил 4:17.)a

Шәаԥхьа Даниил 4:20—26, нас атаблица шәхы иархәаны, азҵаарақәа рҭак ҟашәҵа:

• 1. Иибазеи ԥхыӡла аҳ Навуходоносор? (Шәрыхәаԥш ажәеинраалақәа 20, 21.)

• 2. Иахьраны иҟази аҵла? (Шәахәаԥш ажәеинраала 23.)

• 3. Иҟалараны иҟази бжь-аамҭак рҵыхәтәаны? (Шәахәаԥш ажәеинраала 26.)

Аҵла иазку аԥхыӡи Анцәа Иаҳреи шеидҳәалоу

АԤААИМБАРАЖӘА (Даниил 4:20—36)

Анапхгара

1. Аҵла ду

Анапхгара аамҭала иаанкылоуп

2. «Аҵла хышәҵәа», насгьы «бжь-аамҭак ииасааит»

Анапхгара еиҭашьақәыргылоуп

3. «Аҳра ҿыц уара иутәхоит»

Ари аԥааимбаражәа раԥхьатәи анаӡара:

• 4. Иаанарԥшуадаз аҵла? (Шәахәаԥш ажәеинраала 22.)

• 5. Ишԥаанкылахеи уи аҳ инапхгара? (Шәаԥхьа Даниил 4:29—33.)

• 6. Ихьзеи Навуходоносор бжь-аамҭак рҵыхәтәаны? (Шәаԥхьа Даниил 4:34—36.)

РАԤХЬАТӘИ АНАӠАРА

Анапхгара

4. Навуходоносор, вавилонтәи аҳ

Анапхгара аамҭала иаанкылоуп

5. 606-тәи ашықәс ашьҭахь ҳ. ҟ. Навуходоносор ихы еилаԥсоит. Иара бжьышықәса рыҩныҵҟа уаҳа напхгара изуӡом

Анапхгара еиҭашьақәыргылоуп

6. Навуходоносор ихшыҩ аҭыԥ ахь иааиуеит, насгьы ҿыц аҳас дҟалоит

Ари аԥааимбаражәа аҩбатәи анаӡара:

• 7. Иаанарԥшуадаз аҵла? (Шәаԥхьа 1 Ашықәсынҵа 29:23.)

• 8. Ишԥаанкылаз арҭ аҳцәа рнапхгара? Иабантәиҳдыруеи урҭ аҳцәа рнапхгара Иисус адгьыл аҿы даныҟаз ҿыц ишышьақәыргыламыз? (Шәаԥхьа Лука 21:24.)

• 9. Ианбашьақәыргылаз ҿыц уи анапхгара, насгьы ишԥашьақәыргылаз?

АҨБАТӘИ АНАӠАРА

Анапхгара

7. Анцәа напхгара зыла иуаз израильтәи аҳцәа

Анапхгара аамҭала иаанкылоуп

8. Иерусалим ԥыххааса иқәҵоуп. Израильтәи аҳцәа 2 520 шықәса рыҩныҵҟа напхгара руӡомызт

Анапхгара еиҭашьақәыргылоуп

9. Иисус ажәҩан аҿы Анцәа Иаҳра Аҳас дахагылоит, насгьы напхгара аура далагоит

5. Адунеи 1914 шықәса инаркны даараӡа аҽаԥсахит

Шәахәаԥш АВИДЕОНҴАМҬА.

АВИДЕОНҴАМҬА: «1914 шықәса раахыс адунеи даараӡа аҽаԥсахит» (1:10)

Иисус иҳәеит Аҳас даныҟало ашьҭахь адунеи аҿы аҭагылазаашьа зеиԥшрахоз. Шәаԥхьа Лука 21:9—11, нас азҵаара аҭак ҟашәҵа:

• Шәзыԥхьаз аҟынтә ишәаҳахьеи, ма шәхаҭа ижәбахьеи?

Апостол Павел иҳәеит аҵыхәтәантәи амшқәа раан ауаа зеиԥшрахо. Шәаԥхьа 2 Тимофеи 3:1—5, нас азҵаара аҭак ҟашәҵа:

• Ижәбома иахьа ауаа убасҵәҟьа рхы шымҩаԥырго?

6. Аҳра напхгара аура ишалагахьоу агәра шыжәго аашәырԥшы!

Шәаԥхьа Матфеи 24:3, 14, нас азҵаарақәа рҭак ҟашәҵа:

• Иарбан акрызҵазкуа усу иаҳзырбо Анцәа Иаҳра иахьа уажәнатә напхгара шауа?

• Ишԥашәылшо шәара уи аус шәхы алашәырхәыр?

Анцәа Иаҳра уажәнатә напхгара ауеит, насгьы иаарласны адгьыл зегь напхгара азнаулоит. Шәаԥхьа Ауриацәа 10:24, 25, нас азҵаара аҭак ҟашәҵа:

• «Уи амш еиҳа-еиҳа иааигәахоит азы», иҟаҳҵалар ҳахәҭоузеи зегьы?

ИХАДОУ АЗХӘЫЦРА

Абиблиа иану аԥааимбаражәақәеи адунеи аҿы иҟоу аҭагылазаашьақәеи иаҳдырбоит Анцәа Иаҳра напхгара аура ишалагахьоу. Уи аӡбахә егьырҭ ирзеиҭаҳҳәозар, насгьы аизарақәа ҳарҭаауазар, Аҳра напхгара аура ишалагахьоу агәра шаҳго ааҳарԥшуеит.

Аиҭахысра

• Иҟалазеи, Даниил ишәҟәаҿы зыӡбахә ҳәоу бжь-аамҭак анынҵәа?

• Избан агәра ганы шәзыҟоу Анцәа Иаҳра 1914 шықәсазы напхгара аура ишалагаз?

• Иаашәырԥшыр шԥашәылшо Анцәа Иаҳра напхгара аура ишалагахьоу агәра шыжәго?

ИҴЕГЬ ШӘАХӘАԤШ

Еилышәкаа аҭоурыхҭҵааҩцәеи егьырҭ ауааи 1914 шықәса инаркны адунеи аҽшаԥсахыз иазкны ирҳәо.

«Начало нравственной катастрофы» («Пробудитесь!», апрель 2007)

Аҽшԥаԥсахи хаҵак иԥсҭазаара, Матфеи 24:14 аҿы иану аԥааимбаражәа анеиликаа ашьҭахь?

«Бейсбол был для меня всем!» («Ахьчаратә бааш» № 3, 2017, аурыс)

Иабантәиҳдыруеи Даниил ишәҟәы 4-тәи ахаҿы иану аԥааимбаражәа Анцәа Иаҳра ишадҳәалоу?

«Когда Царство Бога начало править? (часть 1)» («Ахьчаратә бааш», октиабр 1, 2014, аурыс)

Избан Даниил ишәҟәы 4-тәи ахаҿы зыӡбахә ҳәоу бжь-аамҭак 1914 шықәсазы инҵәеит ҳәа ҳҳәар зҳалшо?

«Когда Царство Бога начало править? (часть 2)» («Ахьчаратә бааш», ноиабр 1, 2014, аурыс)

Анцәа Иаҳра напхгара аура иалагахьеит. Иаарласны уи адгьыл аҿы аԥсахра дуқәа ҟанаҵоит. Шәааи Анцәа Иаҳра иҟанаҵараны иҟоу еилаҳкаап.

1. Ишԥашьақәнаргыло Анцәа Иаҳра адгьыл аҿы аҭынчреи аиашареи?

Анцәа Иаҳра Аҳас иамоу Иисус ауаа цәгьақәеи ауаа рнапхгарақәеи Армагеддон аибашьраҿы иқәихуеит (Аатра 16:14, 16). Усҟан аҵыхәтәанынӡа инаӡоит Абиблиа иану абарҭ ажәақәа: «Маҷк ауп иаанхаз, нас ацәгьаҟаҵаҩ дықәӡаауеит» (Аԥсалом 37:10). Иисус Аҳра ацхыраарала адгьыл аҿы аҭынчреи аиашареи шьақәиргылоит. (Шәаԥхьа Исаиа 11:4.)

2. Изеиԥшрахозеи адгьыл аҿы аԥсҭазаара, Анцәа игәҭакы анынаӡалак?

Анцәа Иаҳра анапхгара аҵаҟа «ауаа иашақәа адгьыл рҭынхоит, иагьынхалоит уа наӡаӡа» (Аԥсалом 37:29). Шәазхәыц ауаа бзиақәа, ауаа қьиақәа ахьынхало, зегьы Иегова бзиа дахьырбало, насгьы аӡәи-аӡәи бзиа иахьеибабало адунеи аҿы аԥсҭазаара зеиԥшрахо! Аӡәгьы дычмазаҩхалаӡом, зегьы наӡаӡа инхалоит.

3. Иҟанаҵозеи Анцәа Иаҳра, ауаа цәгьақәа анықәнахлак ашьҭахь?

Иисус ауаа цәгьақәа анықәихлак ашьҭахь, даҽа зқьышықәса Аҳас дыҟазаауеит. Уи аамҭазы 144 000-ҩыки иареи аҳра еицырулоит, насгьы ауаа наӡаны иҟаларц ирыцхраауеит, иара убас агәнаҳа иаанагаз агәаҟрақәа ықәыргоит. Зқьышықәса анхыркәшахо аамҭазы, адгьыл зегь абаҳча еиԥш, ишәҭыкакаҷха, иџьанаҭны иҟалоит. Ауаа зегь насыԥ рымазаауеит, избанзар Иегова изакәанқәа рыла инхалоит. Усҟан Иисус Аҳра Иаб Иегова изирхынҳәуеит. Адунеи иқәынхало зегьы Иегова ихьӡ ҳаҭыр ду ақәырҵалоит! (Матфеи 6:9, 10). Уи зегь ишьақәнарӷәӷәоит Иегова зегь иреиӷьу анапхгаҩ шиакәу, насгьы иара ишамҭақәа дшырхылаԥшуа. Анаҩс Иегова Аҩсҭааи, адемонцәеи, урҭ рган аанызкыло ауааи ықәихуеит (Аатра 20:7—10). Анцәа Иаҳра абзоурала адгьыл аҿы наунагӡа аԥсҭазаара бзиа ҟалоит!

ЕИҲАНЫ ЕИЛЫШӘКАА

4. Анцәа Иаҳра ауаа рнапхгарақәа рҵыхәтәа ԥнаҵәоит

Абиблиаҿы иануп «ауаҩы ауаҩы напхгара анииҭо, ажәлар гәаҟуеит» ҳәа (Екклезиаст 8:9). Иегова Иаҳра ацхыраарала ауаа ирцәыӡыз ирхынҳәуеит, насгьы аиашара шьақәиргылоит.

Шәаԥхьа Даниил 2:44, насгьы 2 Фессалоникаа 1:6—8, нас азҵаарақәа рҭак ҟашәҵа:

• Ирзыруазеи Иеговеи Иисуси ауаа рнапхгарақәеи урҭ анапхгарақәа ирыдгылои?

• Агәра шԥашәнарго Иеговеи Иисуси ирызкны еилышәкаахьоу иҟарҵо зегь иашарыла ишыҟарҵало?

5. Иисус — зегь иреиӷьу напхгаҩуп

Анцәа Иаҳра Аҳас иамоу Иисус адгьыл аҿы инхало ауаа ирыхәаша ауп иҟаиҵало. Ари АВИДЕОНҴАМҬА аҟынтә шәара еилышәкаауеит, Иисус гәыкала ауаа дрыцхраарц шиҭаху, насгьы уи аҟаҵара шилшо.

АВИДЕОНҴАМҬА: «Иисус иаҳирбеит Анцәа Иаҳра иҟанаҵо» (1:13)

Иисус адгьыл аҿы даныҟаз иҟаиҵоз аџьашьахәқәа рыла Анцәа Иаҳра Аҳас даныҟало иҟаиҵараны иҟоу ҳирбеит. Шәыззыԥшузеи шәара еиҳараӡак ҵаҟа еиқәыԥхьаӡоу аҟынтә? Шәрыԥхьа ара иаагоу абиблиатә жәеинраалақәа зегьы.

6. Анцәа Иаҳра ауаа аԥсҭазаара бзиа рнаҭоит

АВИДЕОНҴАМҬА: «Аԥеиԥш бзиа ҳзыԥшуп!» (4:38)

Шәаԥхьа Аԥсалом 145:16, нас азҵаара аҭак ҟашәҵа:

• Иарбан цәаныррақәоу ишәызцәырнаго Иегова «зыԥсы ҭоу зегьы ргәазыҳәарақәа» ахьынаигӡо?

ИХАДОУ АЗХӘЫЦРА

Анцәа Иаҳра иамоу ахықәкы нанагӡоит. Уи анапхгара аҵаҟа адгьыл зегь џьанаҭхоит. Уа наӡаӡа Иегова имаҵ зулар зҭаху ауаа бзиақәа роуп инхало.

Аиҭахысра

• Иҟанаҵозеи Анцәа Иаҳра, Иегова ихьӡ зегьы ҳаҭыр ду ақәырҵаларц азы?

• Избан Анцәа Иаҳра Абиблиа ҳзықәнаргәыӷуа шынанагӡо агәра заҳго?

• Шәыззыԥшузеи шәара еиҳараӡак Абиблиа ҳзықәнаргәыӷуа аҟынтә?

ИҴЕГЬ ШӘАХӘАԤШ

Еилышәкаа Армагеддон закәу.

«Что такое битва Армагеддон?» (авеб-статиа)

Еилышәкаа Христос зыӡбахә иҳәоз «арыцҳара ду» аан иҟало (Матфеи 24:21).

«Изакәызеи арыцҳара ду?» (авеб-статиа)

Шәахәаԥш хәыҷи-дуи џьанаҭ дгьыл аҿы иҟоушәа рхаҿы иааргалар шрылшо.

«Џьанаҭ аҿы уҟоушәа ухаҿы иаагала» (1:50)

Астатиа «Меня беспокоило много вопросов» аҟынтә шәара еилышәкаауеит аполитика иалахәыз ацәгьаҟаҵаҩ Абиблиа аԥхьара даналага, иҽшиԥсахыз.

«Библия меняет жизнь» («Ахьчаратә бааш», ианвар 1, 2012, аурыс)