Akpọ Olhoghi

Idị AZizọs Aḍighi

AVIDIO: AZizọs Aghaạph Oghaạph Phọ Aḅenhị Zakiọs

1. Pogh VIDIO phọ, obobọ bạl Luk 19:1-7. Kụ aaḅeghiọn sipuru phọ edaphạn bọ siẹn:

1. (1) Eeghe kụ iḍighi kụ abuniin awe u/meera bọ uuḍikuan Zakiọs?

2. (2) Kụ ghalhamọ r’iduọn phọ ni, eeghe kụ inyu bọ Zizọs oghaạph iiḅi iinhaghạn phọ oḅenhị odị?

Ipẹ AZizọs Aḍighi Bọ Itughemhị Iyira Eeghe?

2. Yira omoghi ni akpọ olhoghi orue oghaạph iiḅi iinhaghạn phọ oḅenhị atorobọ oye.

Tuughaạny Zizọs

3. Beḍenhọm aZihova. Uwaloor phọ Enhaạn kụ angọ bọ Zizọs inyaạm oghaaphọm iiḅi iinhaghạn phọ, kụ uwaloor phọ Enhaạn katue kẹn ni alhoghonhaạn aani nyinhạ ḍighaạgh orue oghaạph iiḅi iinhaghạn phọ. (Mat. 10:19, 20; Luk 4:18) Lọm aZihova akpọ olhoghi orue oghaạph iiḅi iinhaghạn phọ oḅenhị awe dị nạ rakiilhaan.—Iiḍ. 4:29.

4. Kaa/tughiạn mọ oye phọ ka/naghạn. Eeni amem iyira ki/ḅeraạn oghaaphạn abuniin awe loor esi aḍimite abidị, dọl abidị, eḍighinhom araraạr abidị, obobọ omheeraam abidị. Kuolọ ku/bulha mọ:

1. (1) Oginha aZihova r’aZizọs bịn kụ kotue omiịn ipẹ edi bọ ekpom oye phọ.

2. (2) Oye o/lho dị aZihova ka/tue aloghonhaạn ḍighaạgh.

5. Kpọ ni olhoghi kuolọ ḅarạm ni olhọgh eegu r’omhiigha aloor. (Mat. 10:16) Kaa/gbakiạn ghan r’awe. R’eten olhọgh eegu miigha loor asiemhi eekunha raghaạph phọ eḍighi maạr dị nạ amhiịn mọ oye phọ o/wạ onhaghạn iiḅi iinhaghạn phọ obobọ nạ alhoghoma mọ iiḅaghamhị retu.—Prov. 17:14.