Burudẹ r’aburunhiin, Ingọ Ibạm Anmụny phọ Anyinha Eepoogh Omoọgh Ekol

Eḅeeraạn burudẹ r’aburunhiin dị omoọgh oghiilaan Enaạn omiịn dị anmụny abidị koḍighi rebenẹ aJihova dị okpẹ oḍuom ologhi. Aburudẹ r’aburunhiin kotue ni ologhonaạn ḍighaạgh ibạm anmụny phọ abidị oḍighi arebenẹ aJihova dị okpẹ oḍuom ologhi esi otughemị ghan abidị ilọ aBaibul k’amem eghoroghọr. (De 6:7; Pr 22:6) Iphẹn phọ ewạ ni okuọm aloor ḍughụm? Agey! Kuolọ oḅaạl ologhi phọ nạ kamoọgh bọ apel inyaạm mọ nạ alọgh bọ.​—3Jọn 4.

Aburudẹ r’aburunhiin omoọgh ni iboom araraạr otuughạ aḍighaạgh aJosef r’aMeri. Iḍighi eegharạ abidị “torobọ alhạ oghị ghan aJeruselem ole eyaạl Ophẹl Otene phọ,” ghalamọ iduọn emoghi bọ ni inyaạm r’ikpoki. (Luk 2:41) Dị eegholaan ni, ekpanạ iyaạr esị abidị pọ omiịn mọ eghun otu ph’abidị oḍuraan otuman aJihova. Iniin phọ kẹn ni, kụ edị rodon aburudẹ r’aburunhiin kotue ni oḍeenhaan ibạm anmụny phọ abidị eten dị ekpẹ odạph, esi osighẹ ghan atorobọ eepoogh otughemiọm abidị esi ikpo onhụ r’eḍeenhaan.​—Ps 127:​3-5.

POGH VIDIO PHỌ BIDỊ USIGHẸ OḌIGHINHOM TOROBỌ EEPOOGH, KỤ APHANYANAẠN SIPURU PHỌ EDAPHẠN BỌ SIẸN:

• Ika kụ idị aJon r’aSharon Schiller orue bọ oseere aJihova eḅẹl, mem mọ abidị rookonhom bọ ibạm anmụny ph’abidị?

• Uḍighi ika kụ odẹ r’onhiin k’odạph bọ ipẹ obumoọny phọ arọl bọ kụ otughemị, oliọm, oḅilẹ oolemi?

• Ika kụ idị odẹ r’onhiin k’onyaamị ibạm anmụny abidị orue omeerenyạn odẹgh ophogh?

• Ighẹn araraạr dị ookpomhoghan phọ omiteom kụ edị nạ maḍighinhom, oḍighi idị anmụny ph’anạ koḍigh righirị r’aJihova?