AZihova K’aatughiạn Ika?

Kụ yira ogbi osopha iyaạr, mughumọ ebạm obobọ egbogh, yira ropuruan ghan ni siloor mọ, ‘aZihova k’aatughiạn ika?’ Ii obọ yira ko/tue olegheri torobọ iyaạr lọ edi olhoghi aZihova, kuolọ odị agananami ni idị ekasiạn siphẹ Ekpo onhụ phọ odị, onyaamị ayira ilọ “oḍighinom atorobọ ooḅi oḍighi.” (2Tim 3:16, 17; Rom 11:33, 34) AZizọs akạr alhegheri ipẹ aZihova rawạ bọ kụ asighẹ aḍighi eḅẹl iyaạr siphẹ aghuḍum mọ odị. (Jọn 4:34) Esi otuughaạny aani aZizọs, okparaghạ ipẹ yira kotue bọ osopha ghan idị eḅeraạn aZihova.—Jọn 8:28, 29; Efẹ 5:15-17.

IPOGH VIDIO PHỌ IKPARAMỊ GHAN EWẠ ELHEGHERI IPẸ AZIHOVA RAWẠ BỌ M’OḌIGHI (LE 19:18), KỤ EPHANYANAẠN SIPURU PHỌ EDAPHẠN BỌ SIẸN:

• Uḍighi ikạ kụ yira kosighẹ ghan bọ oḍighinom sinhị iilogh aBaibul phọ siẹn aghuḍum m’ayira?

• Ighẹn asinhị iilogh aBaibul kụ edị yira kodạph ghan, osaḅạr asuọr lọ yira k’onaghạn?

• Ighẹn asinhị iilogh aBaibul kụ edị yira kodạph osaḅạr iinmenan ayira r’oselemian asilaạl?

• Ighẹn inhọn asidọl aghuḍum kụ edị ewạ mọ osighẹ sinhị iilogh aBaibul phọ oḍighinom?

• Ika kụ idị yira k’okuamhị ghan olegheri ipẹ aZihova rawạ bọ m’oḍighi?