Miịn Ghan AZihova Oomo Amem

Reḍighi ghan ni ipaanhaạn ophụr owạ Omhạr phọ k’Enhaạn r’ipẹ odị rawạ bọ mem dị oḍighi oḍigh u/lo. Yira kotue ni osoman odẹgh ophogh oḍigh oḍighi dị kukikima iyira okumu aZihova obobọ agbạgh siigbu aBaibul phọ. Toroboiperolbọ, yira kotue ni oḍuom olhoghi mọ aZihova kaḍeenhaan ni iikpọ phọ odị “buphẹ ekpom mọ emhunhughan bọ esi odị.” (2Ch 16:9) Iyaạr i/lo dị kesophoghom Odẹ ephomhoghiạn phọ ayira olhoghonhaạn ayira ḍighaạgh oḅilhẹ omiteom ilọ yira r’owạ. (Rom 8:32) Esi iduọn phọ, mem dị yira rosopha oḍighi iyaạr, ewạ mọ oḍuom olhoghi aZihova kụ ogbon rukumuan phọ odị.—Ps 16:8.

IPOGH VIDIO PHỌ KUMU AZIHOVA R’OOMO EKPOM, KỤ EPHANYANHAẠN SIPURU PHỌ EDAPHẠN BỌ SIẸN:

• 

  Eeghe kụ iḍighi kụ aJason o/mheera bọ olhe oti-omhạn?

• 

  Ika kụ idị aKolosị 3:23 emhoọgh maạr oḍighinhom esi ayira?

• 

  Emạ eḍeenhaan phọ aJason itir ika Thomas?

• 

  Ika kụ idị aMatiu 6:22 emhoọgh maạr oḍighinhom esi ayira?