Iḍoọgh—Imoọgh “Oophugh Oḍighinom Ghan Iiḅi Iiḍighi”

Siphẹ aḍinyạ phọ ophum bọ kụ otelhedom m’aPọl agẹ bọ aghiọm Taitọs, odị aḅenhị torobọ onyọ iḍoọgh, eḅarạm ni Taitọs, mọ “esi oomo areten ḍighi ni oye dị abunọn awe kotuughaạny iiḅi iiḍighi phọ anạ.” (Taị 2:6, 7) Ghisigh, siphẹ eniin phọ emhuoghaạph phọ, odị aḅẹm ni mọ oomo awe phọ k’aZihova oḅaalamhị ni “omoọgh oophugh oḍighinom ghan iiḅi iiḍighi.” (Taị 2:14) Eniin agạ iiḅi iiḍighi phọ pọ ogbeelhom r’oḅilhẹ otughemhị ilọ Omhạr phọ k’Enhaạn. Eḍighi maạr dị nạ aḍighi onyọ iḍoọgh, nạ katue ni asighẹ inyaạm m’anạ idiphọ onyọ iḍoọgh aḍighinhom okọy eten opọ ekulha amem mọ obobọ opọ oomo amem mọ ḍughụm?—Pr 20:29.

Eḍighi maạr lọ eḅeraạn ni nyinhạ okọy eten, pọ dẹ iiḍighi ph’anạ eten dị kedugh oḍighi aani oniin. (Luk 14:28-30) Esi omaạm, ika kụ idị nạ kamoọgh ikpoki ophoghom aloor idiphọ odị rakumuan oomo amem epẹ erugh phọ? Ika kụ idị nạ kamunhenhi ghan awạ ph’anạ? Tuạn iphẹn phọ alhọm aZihova esi iiḅereghị. (Ps 37:5) Kaạph igbiighi ph’anạ aḅenhị odẹ r’onhiin anạ ḅilhẹ r’abukọy eten dị m’omhoọgh ni ekol pạ arukumuan ph’abidị. Kụ agbariọn radạ osianhaan asiigbu ph’anạ. AZihova k’asẹph ni inyaạm mọ r’oophugh phọ nạ alhọgh bọ siphẹ arukumuan ph’odị!

POGH VIDIO PHỌ IḌOỌGH DỊ ROKUENHI AZIHOVA, KỤ EPHANYANHAẠN SIPURU PHỌ EDAPHẠN BỌ SIẸN:

• Ighẹn ipaanhaạn kụ edị abuniin awe okpạr opu oḍighi okọy eten, kụ uḍighi eeghe?

• Ika kụ idị aburudẹ r’aburunhiin kologhonhaạn ḍighaạgh ibạm anmụny abidị oḍighi abukọy eten oomo amem?

• Eeghe kụ iḍighi kụ emhạn bọ ni maạr omhoọgh edeọm omite ghan epẹ erugh phọ?

• Ika kụ idị abuọ ookpomhoghan phọ k’okparamhị oḅilhẹ ologhonhaạn ḍighaạgh okọy eten?

• Ighẹn aḍisẹph kirokirọ kụ edianhaan bukọy eten?