Iserereẹny Aroozọ r’Eegu Dị Eḍiinyan R’eḍạ Ghan Ni Rokpom

Ibadị amem iserereẹny aroozọ anmariịr phọ abuẹn moḍighi bọ Kristẹn phọ kụ reḍur ghan burulom mọ abidị kelọgh siẹn igey phọ. Toroboiperolbọ, iphẹn phọ k’ewạ ni oboom okparạm esi ibadị asiạ. (1Pit 2:​21-23; 3:​1, 2) Eḍighi maạr lọ nạ ramiinhọm ikarạph, pọ kiạ ghisighi asighẹ ghan igey phọ azuoghom ikarạph. (Rom 12:21) Imạ phọ eḍeenhaan phọ anạ etue ni emoọgh egey etirom dị ikpo onhụ bịn k/⁠etue eḍighi.

Kparaghạ omiịn aani ghan araraạr eten phọ epẹ opọ r’anạ aalạn bọ amiịn bọ. (Fil 2:​3, 4) Ḍeenhaan ghan onmạ ighirigiir r’amatir, kụ akparaghạ ipẹ nạ katue bọ omuneni oḍighi phọ anạ r’olọgh eegu idiphọ anhịr. Maạr ghan aler rurụ anaghanạn. (Jems 1:19) Moọgh eegharạ okparạm ghan, kụ aḍeenhaan ghan nyopọ r’anạ aalạn bọ mọ nạ apomhoghiạn ni nyodị. Ghalamọ opọ r’anạ aalạn bọ nyinạ ra/ḍeenhaan ghan igbiririph r’olọgh eegu, moọgh oḅaạl ologhi alegheri mọ aZihova amaghamị ni maạr dọl okpẹ oḍuom ologhi phọ anạ.​—⁠1Pit 2:​19, 20.

POGH VIDIO PHỌ AZIHOVA RUNYAAMỊ GHAN IYIRA OROOL ADOOL PHỌ AYIRA, KỤ EPHANYANAẠN SIPURU PHỌ EDAPHẠN BỌ SIẸN:

• Araraạr irolonaạn ika aGrace Li siphẹ emiighom apinien phọ odị?

• Eeghe kụ isighẹ bọ nyodị elhọgh siẹn igey phọ?

• Umaranhi phọ Li aḍiiny bọ muụm mọ, ika kụ idị odị akparaghạm ipaanhaạn?

• Umarani phọ Li aghol ghan emhụ olom mọ odị alhọm ghan eeghe aZihova?

• Eeghe aḍisẹph kirokirọ kụ edị Umarani phọ Li aghelhọm loor iserereẹny aroozọ r’olhọgh eegu phọ odị?