ORỌL GHAN ADỌL ONYỌ AKRISTẸN
Nạ Amaghamị Maạr Ekpo Onhụ Phọ Enhaạn Asiemi Ḍighen?
ABaibul phọ apamanạm ikpo onhụ r’iitughiạn aZihova, Ogeọm aḍinyạ iigbia phọ aḍiẹn. (2Pit 1:20, 21) Esi oghaạph ghan okparamhị adọl elhiom itooghị ph’Enhaạn dị eego esi Omhạr ph’odị, aBaibul ph’angọ oomo omhạr awe oḍuom ologhi imạ araraạr dị retu. ABaibul phọ aḅilhẹ kẹn agananami eegharạ ephomhoghiạn Odẹ k’akẹ phọ ayira, Zihova.—Ps 86:15.
Torobọ onyọ ayira atụ ni iyaạr kụ amaghamị bọ maạr Ekpo Onhụ phọ aZihova. Kuolọ yira roḍeenhaan ghan ni mọ yira omaghamhị ni maạr iserereẹny inmo phọ iphẹn esi aạl ghan torobọ aḍio, kụ osighẹ oḍighinom ghan siẹn aghuḍum mọ ayira? Eḍighi idị aroozọ ayira keḍeenhaan mọ yira ologhoma aani ni idiphọ okọ suọr phọ: “P’eeghe idị mị aphomhoghiạn olhogh phọ anạ!” —Ps 119:97.
PEGH VIDIO PHỌ BIDỊ UMAGHAMỊ NI MAẠR BAIBUL PHỌ—OOPKERA PHỌ (WILLIAM TYNDALE), KỤ EPHANYANAẠN SIPURU PHỌ EDAPHẠN BỌ SIẸN:
AWilliam Tyndale atụ eeghe kụ agbạ bọ iniin ariisi aBaibul phọ ateneghi onhọn onhụ?
Eeghe kụ iḍighi kụ inyaạm mọ odị alọgh bọ ogbạ Baibul phọ oteneghi onhọn onhụ eḍighan bọ ni elegh?
Ipoḍi arinyạ aBaibul phọ aTyndale iḍuạ ika kụ eḍigh bọ England?
Ika kụ idị torobọ onyọ ayira kaḍeenhaan mọ odị amaghamị ni maạr Ekpo Onhụ phọ Enhaạn?