Miịn Osụ Olhoghi Orolhọm Siphẹ JW.ORG

Ekpo-onhụ phọ Enhaạn ekuamhị ni inyaamhị iyira okaran iiḅaghamhị siẹn asiḍio eekunha phọ, ekpạr bọ orọl. (2Tim 3:1, 16, 17) Ghalhamọ r’iduọn phọ ni, eeni amem yira rowạ ghan ni olhoghonhaạn aḍighaạgh omhiịn asinhị-iilhogh aBaibul dị yira koḍighinhom dọl dị yira osoman. Esi omaạm, nạ rawạ oroma ilọ ookonhom ibạm anmụny anạ ḍughụm? Nạ aḍighi odị purukụ amhuunha ukpe dị asoman ipaanhaạn ilọ omheeraam mọ anạ ḍughụm? Nạ ramoghi ghan olom obobọ anhịr anạ dị mamhugh ḍughụm? Nạ kamiịn ni raraạr siphẹ jw.org dị keḍeenhaan nyinhạ sinhị-iilhogh aBaibul dị kelhoghonhaạn nyinhạ ḍighaạgh.—Pr 2:3-6.

Kiạ siphẹ opoḍi aghisigh ajw.org phọ aselẹ ITUGHEMHỊ ABAIBUL. (Miịn afoto phọ 1.) Kụ aghị epẹ ude phọ aselẹ iyaạr phọ nạ rawạ bọ. Obobọ selẹ ARARAẠR DỊ OMITEOM > EDEỌM ARUMHUOGHAẠPH kụ aselẹ torobọ iyaạr phọ epẹ nạ rawạ bọ. (Miịn afoto phọ 2.) Nạ katue kẹn ni amiịn iniin phọ siphẹ JW Library^®.a Nạ kakelhọm ni ophoghoghom arumhuoghaạph phọ edi bọ riisi phọ iphẹn phọ. Inhọn idị nạ katue aḍighi pọ oghị isiphẹ ogẹ bọ mọ wạ siphẹ jw.org.

Gẹ rumhuoghaạph phọ iphẹn ogọ bọ siẹn alhọgh siphẹ ogẹ bọ mọ wạ, kụ aselẹ rumhuoghaạph dị keḅeraạn nyinhạ aạl agẹ alhọgh esi.

• Ookonhom ibạm anmụny

• Oḅonyonhu ozuan anmụny dị purukụ omhuunha ukpe

• Aḍuugh olom obobọ anhịr