Orophomhi Aḍighalhanyạ phọ Ayira Epẹ Erugh phọ—Ilọ Ozuughị aJW.ORG

IYAẠR PHỌ EMHẠN BỌ NI MAẠR: Torobọ aḍinyạ dị edi siphẹ Igbe Araraạr Osighẹ Otughemhiọm mọ resighẹ ghan oye keghimhọm jw.org. Iyaạr phọ okạr bọ otuạn kụ omiteom kontạt kạd r’atrạkt phọ oghol bọ mọ Yira Kokị Ḍighen Kụ Omiịn Ophanyanaạn Igbogh Asipuru Ilọ Aghuḍum Mọ? pọ oḍighi idị awe kolegheri websaịt ph’ayira. Nạ katue ni asighẹ jw.org phọ aḍighinhom ongoọm oye ḍinyạ dị edi siphẹ Igbe Araraạr Osighẹ Otughemhiọm mọ, obobọ dị eego esi e-mail. Ekạr ekpaariọm mem dị nạ rakaaphạn oye dị raḅạ ghan onhọn onhụ. Oḅarạm isiẹn phọ, awe otue ni opuru ḍipuru dị ophagharanhaạn phọ u/lo siphẹ Igbe Araraạr Osighẹ Otughemhiọm mọ ayira. Kụ iḍighi kụ, yira omhaạr ozuughị ajw.org phọ, pọ eten oghaạph iiḅi iinhaghạn phọ ayira kemoon ni.

IPẸ KOḌIGHI BỌ:

• 

  Ḍighinhom Gạ Phọ “BIBLE TEACHINGS.” Oḅẹm mọ nạ rakaaphạn onhiin obobọ odẹ dị rawạ olhegheri ilọ omhaạr ookonhom anmụny. Pọ zụ BIBLE TEACHINGS > MARRIAGE & FAMILY.

• Ḍighinhom Gạ Phọ “PUBLICATIONS.” Oḅẹm mọ nạ rakaạph ilọ iiḅi iinhaghạn phọ dị u/gu otu askul, kụ nạ rawạ oḍeenhaan olọ ekụ anyinha brosọ phọ oghol bọ mọ Answers to 10 Questions Young People Ask. Pọ zụ PUBLICATIONS > BOOKS & BROCHURES.

• Ḍighinhom Gạ Phọ “ABOUT US.” Oḅẹm mọ nạ akaạph raḅenhị oye dị r’anạ reḍighi ghan oḍighi, dị eḅeraạn aạl olhegheri ilọ omheeraam mọ ayira. Pọ zụ ABOUT US > FREQUENTLY ASKED QUESTIONS.

POGH VIDIO ILỌ OZUUGHỊ AJW.ORG PHỌ, KỤ APHOGH GẠ DỊ NẠ KATUE ASIGHẸ OSOPH INTANẸT PHỌ AYIRA AḌIGHINHOM OLHOGHONHAẠN AḌIGHAẠGH:

• oye dị u/meeraam m’Enaạn edi ghan ni

• oye dị purukụ iiḅaghamhị emitenhaan

• onyọ umor obobọ onyọ umaranhi dị maaphoọm

• oye dị nạ aghaaphạn ilọ aBaibul kụ rawạ olhegheri ipẹ yira romoọgh ghan bọ ikpoki oḍighinhom araraạr

• ooruen oye dị mem lọ aḅula eelhe abidị kawạ alegheri esi lọ ropạm ghan ituughạ