ORỌL GHAN ADỌL ONYỌ AKRISTẸN
Idị Olom R’anhịr Kotue Okparamhị Pinien Abidị
Ebraham r’aSera oḍighi emạ eḍeenhaan olom r’anhịr dị ophomhoghiạn siloor ḅilhẹ oniin alhọgh nyoniin eegu. (Ge 12:11-13; 1Pit 3:6) Ghalhamọ r’iduọn phọ ni, bidị uḍighi ni we dị u/munughan, dị okparaghạm aani ni ipaanaạn adọl aghuḍum. Olom r’anhịr kotuughạ eeghe esi ogbiran ghan eḍeenhaan phọ Ebraham r’aSera?
Ikaaphạn ghan. Sighẹ osooromhi aloor kụ aphagharanhaạm ikpo-onhụ dị opọ r’anạ aalhạn bọ aḅaạm r’ophin olhoghi. (Ge 16:5, 6) Imiteom ghan mem emoore ghan. Esi ikpo-onhụ r’iḍighinhom araraạr, ḍeenhaan ghan opọ r’anạ aalhạn bọ mọ nạ apomhoghiạn ni nyodị. Dị epelom siẹn, imiịn mọ aZihova odi ni siphẹ apinien phọ anyinha esi oḅophoghạn ghan otuughạ, ooḅereghị, r’oḅilhẹ ooseeny odị. (Ec 4:12) Asipinien dị ekpạr rekuenhi ghan aZihova, opọ Aphighi bọ pinien.
IPOGH VIDIO PHỌ IPẸ KOKPARAMHỊ BỌ OGỌ APINIEN PHỌ, KỤ EPHANYANAẠN SIPURU PHỌ EDAPHẠN BỌ SIẸN:
Siphẹ avidio phọ, eeghe areeghe kụ iḍeenhaan bọ mọ aShaan r’aKiara u/tuman mun idiphọ olom r’anhịr?
Siphẹ apinien phọ, eeghe kụ iḍighi kụ emhạn bọ maạr oghaạph ghan omiteom ipẹ nạ aloghoma bọ?
Eḍeenhaan phọ Ebraham r’aSera iloghonhaạn ika ḍighaạgh Shaan r’aKiara?
Okparamhị apinien phọ abidị, aShaan r’aKiara ugbariọn eeghe aradạ?
Uḍighi ika kụ i/wạ bọ dị olom r’anhịr kogon ghan omiịn oomo amem dị ophorị phọ kazọ ghan eten dị enighẹ?
Nạ katue ni akparamhị pinien phọ anạ!