Mị Kamạgh Aani Anhiạn?

Torobọ alhạ yira rolọgh ghan ni iboom inyaạm epẹ erugh phọ oomhaghạgh awe mọ udạph aani iyira oru aMemorial phọ. Ibadị abuẹn phọ awe dị yira u/⁠kạr ulegheri. Rewạ ni mọ omhạgh aani ghan buẹn yira olhegheri bọ. Ibadị amem abuẹn phọ kụ romiteom ghan eepoogh koru, loor esi dị bidị olegheri oye phọ amhạgh bọ. (yb08 11 ¶3; 14 ¶1) Abuọ anhiạn kụ edị nạ katue amạgh aani?

• Asiya anạ

• Abuọ otu oḍighi obobọ askul anạ

• Amatumhan anạ

• Awe dị nạ raḅula ghan kaphogh, budị nạ atughemhị ghan r’abudị nạ ratughemhị ni

Oḅarạm isiẹn phọ, ikumor awe phọ komạgh ni buphẹ moophoọm bọ. Kuolọ koḍighi ika eḍighi maạr dị oye dị nạ alhegheri u/ḍighi olọ emhạ anyinha? Nạ katue ni alegheri mem mọ r’esi phọ kopạm bọ aMemorial phọ epẹ odị odi bọ, esi oghị isiphẹ oḅẹl opoḍi jw.org phọ ozụ ABOUT US, kụ oghị “Memorial.” Iduọn nạ raakolhobian bọ oghị aMemorial rolhool phọ, tuutughiạn ni we dị nạ kamạgh, kụ angọ bidị ḍinyạ aḍimhạgh phọ.