ARUPHUA DỊ OSIGHẸ SIPHẸ EKPO-ONHỤ PHỌ ENHAẠN | GENESIS 29-30

AJekọb Aphin Anhịr

29:18-28

Olom r’anhịr dị orọl ootumhanhan, oḅilhẹ ophamhaghạn raghaạgh kụ rokaạph. ABaibul dị okpegheron odi ni ogbạl abidị.

AJekọb o/legheri r’olegheri odẹgh ophogh dị apinien katuomaan nyodị. AResal r’aLeah, umiigh ni iipikian. (Ge 29:32; 30:1, 8) Etigheri odẹgh ophogh phọ, aJekọb amhiịn ni mọ aZihova odi ni r’odị. (Ge 30:29, 30, 43) Eekunha phọ, eemarạ eemarạ odị kụ uḍighi bọ eelhe phọ Izrạl.—Ru 4:11.

Ḍio arodon, abuphẹ kopinogh bọ obobọ obalạgh bọ kosoman ni ipaanhaạn. (1Kọr 7:28) Ghalhamọ r’iduọn phọ, eḍighi maạr dị bidị obeḍenhọm aZihova kụ osighẹ sinhị iilhogh aBaibul phọ kụ orolhọm, bidị kotue ni omoọgh imạ apinien dị aḍighi olọ oḅaạl olhoghi. —Pr 3:5, 6; Efẹ 5:33.