Orophomhi Aḍighalhanyạ Phọ Ayira Epẹ Erugh Phọ—Ongọ Ogbaanhaạn Buphẹ Ro/miịn Bọ Eten

IYAẠR PHỌ EMHẠN BỌ NI MAẠR: Re/kạr ghan keḅeeraạn ibadị awe dị ro/miịn ghan eten oghaaphạn aruuruen. Esi iduọn phọ, ewạ ni omhoọgh aḍighalhanyạ osighẹ ongoọm abidị ogbaanhaạn. AZihova amoọgh ni ogbolhomaan akị esi abuphẹ ro/miịn bọ eten. (Le 19:14) Yira kotue ni otuughaạny nyodị oḍeenhaan ghan ḍiḅeeraạn buphẹ ro/miịn bọ, esi olhoghonhaạn abidị ḍighaạgh dị koḍighi righirị aZihova.

IPẸ NẠ KAḌIGHI BỌ:

• ‘Wạ buphẹ’ ro/miịn bọ eten. (Mat 10:11) Nạ alegheri ni oye dị olọ eghunotu abidị ra/miịn ghan eten? Asiskul obobọ ariisi dị kotue ni omiịn buphẹ ro/miịn ghan bọ eten edi ni epẹ ekool arukumuan phọ anyinha, dị keḅeeraạn omhoọgh arinyạ ayira dị ookolhobianhaan buẹn phọ ḍughụm?

• Ḍeenhaan ogbolhomaam. Yira osighẹ eten arighirị ḅilhẹ r’ogbolhomaam kụ oghaaphạn ghan buphẹ ro/miịn bọ eten phọ keḍighi idị bidị iyira ku/ghiilhaan. Kparaghạ osighẹ emhuoghaạph dị keḅeeraạn buphẹ odi bọ ekpisi phọ anyinha kụ omhiighom araghaạph

• Loghonhaạn ḍighaạgh okparamhị asiya phọ abidị r’aZihova. Olhoghonhaạn aḍighaạgh buphẹ omhoọgh bọ iiḅaghamhị ariḍien phọ, ookpomhoghan phọ momiteom ni rinyạ dị kotue ni osighẹ ibadị araraạr obalhạm. Puru oye phọ eten dị keḅeeraạn nyodị otuughạ. Opoghom arukumuan epẹ erugh phọ amhiịn ni mọ opọ odi bọ gạ arinyạ phọ agẹ ni alọm ḍinyạ dị opọ ra/miịn bọ katue abạl