Sereghiạn Siya Phọ Anạ R’aZihova

Abugbaanhaạn aZihova omoọgh emạ eepoogh dị egbatanhaạn. Idiphọ aKristẹn dị moḅọgh loor ongọ kụ oḅilhẹ oḍiiny muụm, yoor rokiọm ghan ni ghisigh kokparamhị siya phọ ayoor r’Uw-emhoọgh Itooghị phọ aZihova. Odị muḍur iyoor aloghomạ dị eego esi Oọny phọ odị. (Jọn 6:44) Odị ranaghạn ghan kẹn iiḅereghị ayoor.—Ps 34:15.

Ika kụ idị yira kotue omaạr opạm siya phọ ayira r’Enhaạn? Eniin eten pọ oghel ikarạph iḍighinhom araraạr awe phọ Izrạl. Bidị oghiran bọ iyọ r’aZihova, i/bia igenhi bịn okạ anạm agol bịn omheel oḍigh ooḅereghị ikaaghinheẹn araraạr. (Ex 32:7, 8; 1Kọr 10:7, 11, 14) Yira otue ni opuruan loor mọ: ‘Mị ramegheron ghan ika mem dị mị asomhan odẹgh ophogh? Iḍighinhom araraạr phọ amhị eḍeenhaan ni mọ mị asereghiạn ni siya phọ amhị r’aZihova?’ Yira omhoọgh ephomhoghiạn dị eḍiinyan oghị esi Odẹ k’akẹ phọ ayira, kilhoghonhaạn iyira ḍighaạgh okporiọn araghaạgh raraạr dị odị aghel.—Ps 97:10.

IPOGH VIDIO PHỌ MAẠR APHẠM SIYA PHỌ ANẠ R’AZIHOVA (KỌL 3:5), KỤ EPHANYANHAẠN SIPURU PHỌ EDAPHẠN BỌ SIẸN:

• Osẹph osighenhọm p’eeghe?

• Uḍighi ika kụ yira kokel bọ ekpooko r’iiḅereghị ikaaghinheẹn araraạr?

• Eeghe amuḅọph kụ odi igbo olhe emhạ r’okạ iyaạr ooḅereghị?

• Uḍighi ika kụ awe dị omhoọgh roopoogh siẹn ookpomhoghan phọ komaạr ghan bọ opogh opọ r’abidị aalhạn bọ?